John 3:36 - Holy Bible Nigerian Pidgin English

³⁶ Pesin wey bilive di only pikin wey God get, go get life wey nor dey end. But pesin wey nor bilive Man Pikin, nor go get life at-all. God go always dey vex with dat kind pesin.”

John 3:36 ပူးပေါင်းရင်းမြစ်များ

Job 33:28

E don save mi from deat and I still dey alive.

Psalms 2:12

Make una dey respet God well-well or E go fit vex kon distroy una at wons, bikos of di way una dey bihave. But na blessing dey follow doz wey si am as dia Oga God!

Psalms 36:9

bikos na Yu bi di wota wey dey give life; di lite wey make us dey si.

Psalms 49:19

but dem go die like doz wey don die before and dem nor go ever si day lite again.

Habakkuk 2:4

Si proud pipol, all wetin dem dey do nor dey good for my eye. But doz wey dey do good, go get long life, bikos dem dey obey my laws.

Nombas 32:11

‘Bikos dem nor follow mi with all dia heart, no one among dem from twenty years go wey komot from Egypt go si di land wey I promise sey I go give Abraham, Isaak and Jakob,

Matiu 25:46

“So wiked pipol go enter ponishment wey nor go end, but raitious pipol go get life wey nor go end too.”

Mark 16:16

Anybody wey bilive and dem baptize am, God go save am, but anybody wey nor bilive, God go kondemn am.

Luke 2:30

Bikos my eye don si di pesin wey yu won make e save Israel pipol,

Luke 3:6

and evribody for dis world go si God salvashon.’ ”

John 1:12

But evribody wey receive and bilive en name, e go give dem di rite to bi God pikin.

John 10:28

I don give dem life wey nor dey end and dem nor go ever die. Nobody go fit take dem komot from my hand.

John 3:3

Jesus tell am, “Make I tell yu true word, unless dem born pesin di sekond time, e nor go fit si God kingdom.”

John 4:36

God go reward di pesin wey plok plenty fruit from wetin odas plant and e go get life wey nor dey end. So, di pesin wey plant and di pesin wey plok wetin dem plant, go happy togeda.

John 5:24

“I tell una true word, di pesin wey take wetin I tok and bilive sey na di Papa send mi, go get life wey nor dey end and e nor go enter hell-fire, but e go get life wey nor dey end.

John 6:58

Dis na di bread wey kom down from heaven, e nor bi like di bread wey una grand-grand papa dem chop and afta, dem still die. Di pesin wey go chop dis bread nor go ever die, but e go live forever.”

John 8:51

I dey tell una true word, if anybody follow wetin I dey tish, e nor go die again.”

Acts 14:2

But di Jew pipol wey nor gri bilive, gada di Gentile pipol kon spoil dia mind against Paul and Banabas.

Romans 4:15

Di law dey bring God vexnashon, bikos where sin nor dey, law nor go dey.

Romans 5:9

Naw, wi dey rite bikos of Christ blood and na dis blood go save us from God vexnashon.

Romans 8:1

So, God nor go kondemn pipol wey bilive Jesus Christ.

Galatians 3:10

Pipol wey dey under di law and dem nor dey do evritin wey di law tok, dey under curse, bikos dem rite am sey, “E nor go betta for anybody wey nor dey do evritin wey dey di law.”

Efesians 5:6

Make una nor let anybody deceive una with yeye word, na dis tins make God dey vex for doz wey nor dey obey am.

1 Tesalonians 1:10

And una dey wait en pikin wey dey kom from heaven. Dis na en pikin, Jesus wey E wake from deat and na-im go save us from God vexnashon wey dey kom.

1 Tesalonians 5:9

Bikos God nor choose us to sofa en vexnashon, but to get salvashon thru awa Oga God Jesus Christ

Hibru 10:29

If pipol wey nor dey obey Man Pikin; dey take di kovenant blood make yeye and dey curse di Spirit wey bring grace, na how dia own ponishment go big rish?

Hibru 2:3

Wetin make us sey wi go dey free if wi nor listin to dis korrect salvashon message? Na God first tok am and pipol wey hear am kon show us sey na trut.

Hibru 3:18

Na who God swear for sey, dem nor go ever get rest, nor bi doz wey disobey am?

Hibru 3:19

So for dat time, doz pipol nor enter di land wey God promise dem, bikos dem nor bilive am.

Revelashon 21:8

But for pipol wey fear nor dey let dem do wetin good; doz wey nor bilive mi, doz wey nor dey obey mi; doz wey kill odas; pipol wey dey sleep with who dem nor marry; doz wey dey do majik; pipol wey dey serve juju and evribody wey dey tok lie, na inside di fire and sulfur dem go-go. And na dat bi di sekond deat.”