John 3:18 - Holy Bible Nigerian Pidgin English

¹⁸ Anybody wey bilive am, God nor go kondemn am. But di pesin wey nor bilive am, God don kondemn am already, bikos di pesin nor bilive God Pikin name.

John 3:18 ပူးပေါင်းရင်းမြစ်များ

Mark 16:16

Anybody wey bilive and dem baptize am, God go save am, but anybody wey nor bilive, God go kondemn am.

John 1:12

But evribody wey receive and bilive en name, e go give dem di rite to bi God pikin.

John 1:18

Nobody don fit si God face before. But Jesus, wey bi God ensef, wey en and en Papa bi tait friend, na-im kom show us how God bi.

John 20:31

But dis tins wey dem rite so, na make una for bilive sey na Jesus bi di Christ and naim bi Man Pikin and if una bilive am, una go get life thru en name.

John 3:16

“God love di pipol wey dey dis world well-well, so E kon send di only pikin wey E get to us, so dat anybody wey bilive am, nor go die, but e go get life wey nor dey end.

John 3:36

Pesin wey bilive di only pikin wey God get, go get life wey nor dey end. But pesin wey nor bilive Man Pikin, nor go get life at-all. God go always dey vex with dat kind pesin.”

John 5:24

“I tell una true word, di pesin wey take wetin I tok and bilive sey na di Papa send mi, go get life wey nor dey end and e nor go enter hell-fire, but e go get life wey nor dey end.

John 6:40

Wetin my Papa wont bi sey, anybody wey bilive en pikin, go get life wey nor dey end and I go wake am up for di last day.”

John 6:47

I dey tell una true word, anybody wey bilive mi, don get life wey nor dey end.

Romans 5:1

Since faith don make us dey good for God eye, wi don get peace thru awa Oga God Jesus Christ.

Romans 8:1

So, God nor go kondemn pipol wey bilive Jesus Christ.

Romans 8:34

Who bi di pesin wey go kondemn us? Na Jesus Christ wey die for us; di pesin wey God raiz from deat and naw, e dey for God rite hand side dey pray for us.

Hibru 12:25

Make sure sey una dey obey di Pesin wey dey tok to una! Bikos if Israel pipol wey nor gri hear dia oga Moses word for eart nor eskape, how wi go fit eskape, if wi nor gri hear di Pesin wey dey tok to us from heaven?

Hibru 2:3

Wetin make us sey wi go dey free if wi nor listin to dis korrect salvashon message? Na God first tok am and pipol wey hear am kon show us sey na trut.

Hibru 3:19

So for dat time, doz pipol nor enter di land wey God promise dem, bikos dem nor bilive am.

1 John 3:23

Na wetin E kommand bi dis, “Make wi bilive en pikin Jesus Christ name and make wi love each oda, even as E don kommand us.”

1 John 4:9

Dis na how God love dey show for awa life: God send en only Pikin wey E born, make e kom dis world, so dat thru am, wi go get life wey nor dey end.

1 John 5:10

(Di pesin wey bilive God Pikin, go know inside ensef sey, dis tin na true, but pesin wey nor bilive God, dey sey God dey lie, bikos e nor bilive wetin God tok about en Pikin).

1 John 5:12

Anybody wey get di Pikin, get di life wey nor go end, but doz wey nor know God Pikin, go die.