John 21:16 - Holy Bible Nigerian Pidgin English

¹⁶ Jesus ask am again, “Simon, John pikin, yu really tink sey yu love mi?” Pita ansa, “Yes, oga! Yu know sey I love yu.” Jesus kon tell am, “Make yu kare for my sheep.”

John 21:16 ပူးပေါင်းရင်းမြစ်များ

Psalms 100:3

Make una know sey na di Oga God bi God! Na-im make us and wi bi en pipol. Wi bi en pipol, di sheep wey dey en field.

Psalms 95:7

bikos na-im bi God. Wi bi en pipol and E dey wosh ova us, bikos na wi E dey kare for.

Zekaraya 13:7

God wey dey mighty sey, “Swod! Make yu go attack and kill di shepad wey dey work for mi, den all di sheep go skata. I go attack my pipol

Matiu 2:6

“ ‘Betlehem pipol, una wey small pass for all di pipol wey dey rule Judah, na from among una di pesin wey go lead all my pipol for Israel, go from kom.’ ”

Matiu 25:32

Evribody for di world go gada for en front and e go separate pipol as shepad dey separate sheep from goat.

Matiu 26:72

Pita kon swear deny again, “I nor know di man!”

Luke 19:10

Man Pikin kom find and save pipol wey lost before.”

John 18:17

Di girl wey dey di gate kon ask Pita, “Yu nor bi one of dis man disciple?” At wons, Pita ansa, “I nor bi one of dem.”

John 18:25

As Simon Pita stand for inside di kompond dey warm ensef, dem kon ask am, “Yu too nor bi one of en disciple?” Pita deny sey, “I nor dey among dem.”

John 21:17

Jesus ask am di third time, “Simon, John pikin, yu sure sey yu love mi so?” Pita kon dey vex, bikos e pain am well-well, as Jesus ask am di same kweshon three times, “Yu sure sey yu love mi so?” Den Pita sey, “Oga God, yu know evritin, yu know sey I really love yu.” So, Jesus tell am, “Make yu feed my sheep.

Acts 20:28

Make una take kare of unasef and all di pipol wey di Holy Spirit don put under una, bikos na una bi di leaders for God church wey E buy with en only pikin blood.

Hibru 13:20

God wey get peace, di Pesin wey use di everlastin kovenant blood bring awa Oga God Jesus Christ kom back from deat; awa Oga God wey dey look di sheep,

1 Pita 2:25

Before-before, una waka komot for di rite road like sheep wey lost, but naw, una don turn back go meet di Shepad and Pesin wey dey guide una soul.

1 Pita 5:2

Make una kare for di sheep wey God give una whole, just as shepad dey kare for dia sheep. Make e nor bi like sey dem force una do am, but na as God wont am. Una nor dey do am bikos of money, but na bikos una won do am.

Revelashon 7:17

Bikos di Lamb for di throne, go bi dia Shepad. E go take dem go drink from di river wey dey give life. And evry tears wey dey dia eyes, God go klean am komot.”