John 19:30 - Holy Bible Nigerian Pidgin English

³⁰ Wen e don taste di wine, Jesus kon sey, “Evritin don finish.” Den e bend en head down, kon die.

John 19:30 ပူးပေါင်းရင်းမြစ်များ

Jenesis 3:15

I go make yu hate woman and yor pikin go still hate pikin wey woman born. Pikin wey woman born go mash yor head and yu go bite dia leg.”

Psalms 22:15

My strent don dry like mold wey sun beat. My tongue don gum my mout. Yu don trow mi for groun kon leave mi make I die for der.

Isaya 53:10

Na God wont make e sofa and en deat na sakrifice, so dat God go forgive pipol dia sins. So en days go long and e go si en shidren-shidren and thru am, God go do wetin E wont.

Isaya 53:12

So, I go honor and put am for where great men dey, bikos na only en sakrifice en life and dem si am as sina too. E karry evribody sins for en head kon pray so dat God go forgive us.

Daniel 9:24

“God don set seventy weeks as di time wen E go take free yor pipol kon ribuild en temple. Una dey sofa, bikos of all di evil and wiked tins wey una do. Afta, E go forgive una sins and judge una well forever, so dat wetin E tok, go happen. Den E go anoint di holy temple again.

Daniel 9:26

“ ‘Afta di sixty-two weeks, di Pesin wey God choose, go die and nor-tin go remain. Di ruler wey get pawa pass, go bring sojas kom distroy di town and di temple. Di end go rush kom like wota; e go bring war and distroshon, just as God plan am.

Zekaraya 13:7

God wey dey mighty sey, “Swod! Make yu go attack and kill di shepad wey dey work for mi, den all di sheep go skata. I go attack my pipol

Matiu 20:28

just as Man Pikin nor kom make pipol serve am, but make e for serve and give en life to save many pipol.”

Matiu 27:50

So Jesus Christ kry again, den e kon die.

Matiu 3:15

Jesus ansa, “Make e bi so naw, e betta make wi do evritin wey God wont.” So, John kon baptize am.

Mark 15:37

But Jesus shaut again, den e kon die.

Luke 22:37

Bikos I tell una, wetin dem rite for God word about mi must happen sey, ‘Dem kount am join criminals.’ Bikos wetin God rite about mi dey happen naw.”

Luke 23:46

So, Jesus shaut, “Papa, I put my spirit for yor hand!” Afta e tok finish, e kon die.

John 10:11

“Na mi bi di good shepad. Di good shepad ready to die for di sheep.

John 10:18

Nobody go fit take my life from mi, but na mi go put am down by mysef and I get di pawa to take am back again. Dis na wetin God kommand mi to do.”

John 17:4

I don give yu glory for dis world and I don finish di work wey yu send mi.

John 19:28

Wen Jesus si sey evritin don finish, e kon sey, “Wota dey hongry mi”, (dis show sey wetin God tok, really happen).

John 4:34

Jesus kon tell dem, “My food na to do wetin my Papa tok and make I finish di work wey E send mi.

Romans 10:4

Since Jesus Christ kom, di law nor get pawa again and anybody wey bilive God, go dey raitious.

Romans 3:25

Na God give us Jesus Christ, so dat thru en blood, E go forgive us awa sins wen wi bilive Christ. God do dis to show sey before-before, E dey patient to forgive pipol dia sins.

1 Korintians 5:7

Make una remove di old yist, den una go bi like fresh bread wey nor get yist and dat na wetin una bi. Bikos awa Passova lamb, na Christ wey dem don already sakrifice.

Filippians 2:8

E put en body down kon obey God, until Jew pipol kill and nail am for cross!

Hibru 12:2

Make wi dey look Jesus Christ wey give us awa faith and go help us keep am. Bikos of di joy wey Jesus dey espect, e sofa for cross and nor mind di shame wey follow am. But naw, e don sidan for di rite hand side for God throne.

Hibru 9:22

True-true, akordin to di law, na almost evritin blood dey make klean and if dem neva pour blood, God nor go forgive dem dia sins.