John 17:24 - Holy Bible Nigerian Pidgin English

²⁴ Papa, I wont make di pipol wey yu give mi stay with mi for where I dey, so dat dem go si di glory wey yu give mi, bikos yu love mi before yu kreate di world.

John 17:24 ပူးပေါင်းရင်းမြစ်များ

Jenesis 45:13

So make una tell my papa about all my honor for Egypt and about evritin wey una dey si so. But make una kwik bring my papa kom meet mi for here!”

Matiu 25:21

“En oga kon tell am, ‘Yu bi good and wise savant and yu do well! Since yu fit use di small tin wey I give yu, e show sey yu go fit kontrol big-big tins. Make yu kom enjoy with mi!’

Matiu 25:23

“En oga tell am, ‘Yu bi good and wise savant and yu do well! Since yu fit use di small tin wey I give yu, e show sey yu go fit kontrol big-big tins. Make yu kon enjoy with mi!’

Matiu 25:34

“Den di king go tell di pipol wey dey en rite hand, ‘Make una kom, una wey my Papa don bless and make una inherit di kingdom wey God prepare for una before di world start.

Matiu 26:29

I tell una, from naw go, I nor go drink dis wine until di day wey I go drink di new wine with una for my Papa kingdom.”

Luke 12:37

Di savant wey en oga go kom back kon meet am dey work, make e happy well-well bikos di oga go prepare ensef make e for serve di savant food for tabol.

Luke 23:43

Jesus ansa am, “I tell yu di trut, today yu go dey with mi for paradise.”

John 1:14

Den di Word kon shange to pesin and e stay with us for dis world. Wi si en glory wey show sey, naim bi di only pikin wey get korrect favor and trut, wey God send kom meet us.

John 12:26

Anybody wey ready to serve mi, go must follow mi and where I dey, na der my savant go dey too. Anybody wey serve mi, my Papa go honor am.

John 14:3

Wen I don finish, I go kom take una, so dat una go stay with mi for where I dey.

John 15:9

“As my Papa love mi, na so I love una too, so make una live di kind life wey go let mi fit love una more-more.

John 17:2

Just as yu don give mi pawa ova all di pipol for di world, na so too I go give life wey nor dey end to evribody wey yu give mi.

John 17:22

I don give dem di honor wey yu give mi, so dat dem go bi one just as wi bi one:

John 17:5

And naw, Papa honor mi, make yu draw mi near yu, just as wi dey before di world start.

John 6:37

Anybody wey my Papa give mi, go kom meet mi and wen e kom, I nor go ever drive am.

John 6:39

Wetin my Papa wey send mi wont, na make I nor luz anybody wey e give mi, but make I for take dem go up for di last day.

John 8:58

Jesus ansa dem, “Na true word I dey tell una so, before dem born Abraham, I don already dey!”

1 Korintians 13:12

Evritin wey wi dey si naw bi like ordinary image for mirror; but for dat time, wi go si am, face-to-face. Naw wi nor know evritin, but den wi go know, just as God really know us.

2 Korintians 3:18

All of us wey don bilive Christ, God glory dey show for awa face. So di Spirit dey help us shange, so dat wi go bi like Christ.

2 Korintians 4:6

Bikos God wey sey, “Make lite shine from darkness,” Na-im dey shine inside awa heart, so dat E go give us di lite wey show us en glory wey dey Christ face.

2 Korintians 5:8

So wi dey always get di mind sey wi go die komot from dis world, so dat wi go-go stay with Jesus Christ for where e dey.

Filippians 1:23

Naw, I know wish one I go choose, bikos I won go dey with Christ and na dat one betta pass.

1 Tesalonians 4:17

God go karry wi wey remain for dis world go meet dem for sky, den all of us go-go meet Christ for heaven.

1 Pita 1:21

True am, una bilive God wey raiz am from deat kon gi-am glory. So, una faith and hope dey for God hand.

1 John 3:2

My friends, wi bi God shidren naw and wi neva know as wi go bi wen Christ go kom back. But wi know sey wi go bi like am, bikos wi go si am just as E bi.

Revelashon 21:22

I nor si any temple for di town, bikos Oga God, di one wey get all pawa and di Lamb, na dem bi di temple.

Revelashon 3:21

Bikos I bear rish di end kon follow my Papa sidan for en throne, anybody wey fit bear rish di end, go follow mi sidan for my throne too.