John 17:13 - Holy Bible Nigerian Pidgin English

¹³ Since I dey kom meet yu, I dey tok all dis tins for di world, so dat dia joy go full well-well.

John 17:13 ပူးပေါင်းရင်းမြစ်များ

Nehemaya 8:10

“Naw, make una go house go celebrate. Share food and wine with pipol wey nor get. Today na holy day for awa Oga God, so make una nor kry, bikos na God happiness dey make una strong.”

Psalms 126:5

Pipol wey sofa plant dia seed, go harvest wetin dem plant with happiness.

Psalms 43:4

For der, I go-go God altar; di God wey dey give mi joy kon praiz am with my harp!

John 13:3

Bikos Jesus know sey en Papa don gi-am pawa to kontrol evritin and as e bi sey e kom from God and e dey go back go meet am,

John 15:11

I don tell una all dis tins, so dat my joy go dey inside una and una joy go full well-well.

John 16:33

“I don tell una all dis tins, so dat my peace go stay with una. Wahala full inside di world and sofa dey too, but make una heart dey strong, bikos I don already win di world.”

John 17:11

I nor go dey di world again, but dem go still dey inside di world, since I won kom meet yu. Holy Papa, make yor name protet di pipol wey yu give mi, so dat dem go bi one, just as mi and yu na one.

John 3:29

Di pesin wey won marry new wife naim bi di bridegroom. En friend, wey bi di best man, dey listin to am. E go dey happy well-well wen e hear di bridegroom dey tok. Na dis dey make mi happy and my joy don full.

John 7:33

Jesus kon tell dem, “I go only stay with una for small time and afta, I go-go meet di Pesin wey send mi.

Acts 13:52

So di disciples kon dey happy and di Holy Spirit full dia life.

Romans 14:17

Bikos God kingdom nor bi food and drink matter, but na about raitiousness, peace and joy wey di Holy Spirit dey give pipol.

Galatians 5:22

But di fruit wey di Holy Spirit dey bear inside us; na love, joy, peace, patient, kindness, goodness, faithfulnes,

Hibru 12:2

Make wi dey look Jesus Christ wey give us awa faith and go help us keep am. Bikos of di joy wey Jesus dey espect, e sofa for cross and nor mind di shame wey follow am. But naw, e don sidan for di rite hand side for God throne.

1 John 1:4

Na dis make us dey rite dis leta, so dat awa joy go full well-well.

2 John 1:12

Even doh I get many oda tins wey I won tell una, I nor won take paper and biro rite dem, but I hope sey I go kom visit una and I go tok to una face-to-face, so dat awa happiness go full.