John 16:33 - Holy Bible Nigerian Pidgin English

³³ “I don tell una all dis tins, so dat my peace go stay with una. Wahala full inside di world and sofa dey too, but make una heart dey strong, bikos I don already win di world.”

John 16:33 ပူးပေါင်းရင်းမြစ်များ

Psalms 68:18

God klimb go where high well-well. E don katch and put many pipol for prison. Even men wey sin well-well dey praiz Yu. True-true, di Oga awa God dey stay for der!

Mikah 5:5

E go give us peace. Wen Assyria pipol kom attack and break enter awa town, wi go choose seven rulers wey go wosh ova us and eight priests wey go lead us.

Matiu 9:2

Some pipol kon bring one man wey nor fit waka kom meet am. Wen Jesus si as dia faith strong rish, e kon tell di man wey nor fit waka, “My pikin, make yu nor fear! God don forgive yu all yor sins.”

Luke 19:38

“God don bless di king wey dey kom with en name! Make peace dey for heaven and make all di glory bi God own!”

Luke 2:14

“Na only God get Glory for heaven and eart, make peace and favor dey with evribody.”

John 12:31

Di time to judge di pipol for dis world don rish and God go drive Satan, wey dey kontrol dis world komot.

John 14:1

“Make una nor let anytin worry una mind. Since una bilive God, make una still bilive mi.

John 14:27

Make una mind rest, bikos na my peace I give una. My peace difren from di one wey di world dey give. Make una nor fear or allow anytin worry una mind.

John 16:11

And dem dey wrong about judgement, bikos God don kondemn di pesin wey dey rule dis world.

Acts 14:22

Dem enkourage di disciples sey make dem get heart and make dem kontinue to dey bilive sey, “Wi go must sofa well-well for pipol hand, before wi go fit enter God Kingdom.”

Acts 23:11

For nite for di next day, Jesus kon stand near Paul tell am for vishon, “Make yu nor fear, bikos as yu don testify about mi for Jerusalem, na so yu go still do for Rome.”

Acts 27:22

Naw, I won make una heart strong, bikos nobody go die among us, but na only di ship go skata.

Acts 27:25

So, my pipol, make una heart strong, bikos I bilive sey na as God tell mi, na so e go bi.

Acts 9:31

Dat time, di church wey dey Judea, Galilee and Samaria get rest and dis kon make dem strong as dem dey stay togeda, dey woship God with all dia heart and as di Holy Spirit dey tok to dem. So pipol wey dey di church kon dey plenty more-more.

2 Korintians 1:3

Make wi tank God wey bi awa Oga God Jesus Christ Papa, di God wey dey give mesi and konfort,

2 Korintians 13:11

Finally my brodas and sistas, make una use happiness dey do tins as dem suppose bi. Make una take heart, dey greet each oda and live togeda for peace and di God wey get love and peace, go dey with una.

2 Korintians 2:14

But make wi tank God wey make us winners inside Christ. Bikos thru us, many pipol don know tins about Christ, like betta perfume wey dey smell for evriwhere.

2 Korintians 4:7

But dis betta tin wey God give us, wi dey karry am for inside awa body wey go die like klay pot wey break and na God give us di pawa.

2 Korintians 6:4

But wi dey show sey wi bi God savant for evritin wey wi dey do. Wi dey sofa well-well and face trobol for dis time; even for wiked times;

2 Korintians 7:4

For inside all dis sofa wey wi dey sofa, I still trust and dey boast well-well about una, bikos I get mind for una and my happiness full dey trowey.

Galatians 1:4

Na Jesus die for awa sins, bikos na so God awa Papa wont am.

Galatians 6:14

I nor go boast about anytin escept for di sofa wey awa Oga God Jesus Christ sofa and bikos of dat sofa, di world nor mean anytin to mi and I don die to di world too.

Filippians 4:7

Den God peace wey pass wetin human being fit undastand, go guide una heart and mind, inside Christ.

Kolossians 1:20

and thru Christ blood wey e pour out for us for di cross, God go draw evritin back to ensef afta E don make peace with tins for heaven and eart.

1 Tesalonians 3:4

Wen wi dey with una, wi dey tell una before di time rish sey, wi go sofa well-well and e don dey happen as una dey si am.

1 Tesalonians 3:7

So, awa brodas and sistas, for all awa trobol and sofa, awa heart dey strong about una, bikos of una faith.

2 Tesalonians 3:16

Naw, make Christ wey dey give peace, give una en peace evritime and make di peace dey with una always.

2 Timoti 3:12

True-true, anybody wey won live di kind life wey God wont inside Christ, make e know sey e must sofa.

Hibru 11:25

Instead of am to enjoy tins wey go make am sin, e kon choose to sofa with God shidren.

Hibru 7:2

So Abraham kon gi-am one from evry ten tin wey e bring kom back from war. Melkizedek mean, “King wey dey do wetin dey rite” and Salem mean, “Peace.”

1 Pita 5:9

Make una nor gi-am shance, but make una faith strong, bikos una know sey na di same tin una brodas and sistas for evriwhere for dis world, dey sofa.

1 John 2:13

I dey rite give una wey bi papa, bikos una know di pesin wey dey alive since God kreate di world. I dey rite give una wey bi yong pipol, bikos una don win Satan.

1 John 4:4

My shidren, una kom from God and una don get viktory ova doz pipol, bikos di pesin wey dey inside una, big pass di pesin wey dey di world.

1 John 5:4

Anybody wey bi God pikin, don win di world and na awa faith bi di pawa wey win di world.

Revelashon 12:11

God pipol don win Satan with di Lamb blood and with di word wey dem tok about Christ. Dem nor too kare for dia life, so dem even dey ready to die.

Revelashon 3:21

Bikos I bear rish di end kon follow my Papa sidan for en throne, anybody wey fit bear rish di end, go follow mi sidan for my throne too.

Revelashon 7:14

I kon ansa, “My oga, na yu know di ansa.” Den e sey, “Dis pipol die bikos of Christ. Dem don use di Lamb blood take wosh dia klot, naim make am white like dat!

Judges 3:2

E leave doz nashon for der, bikos E won use dem take tish di yong pipol for Israel wey neva fight war before.