John 16:28 - Holy Bible Nigerian Pidgin English

²⁸ Na my Papa send mi kom dis world, but naw, I dey go back go meet am.”

John 16:28 ပူးပေါင်းရင်းမြစ်များ

Luke 24:51

As e dey bless dem, God kon karry am go heaven.

Luke 9:51

Wen di time wey God go take Jesus go heaven don near, Jesus tink for en mind sey, e go-go Jerusalem.

John 13:1

Before dem do di Passova Feast, Jesus know sey en time don rish wen e go komot for dis world go meet en Papa. Bikos e love di pipol wey dey di world, e kon show dem how en love for dem strong rish.

John 13:3

Bikos Jesus know sey en Papa don gi-am pawa to kontrol evritin and as e bi sey e kom from God and e dey go back go meet am,

John 14:28

“Una remember wen I tell una sey, ‘I dey komot and I go kom back kon meet una?’ If una love mi, una go happy wen I tok sey, ‘I dey go meet my Papa’, bikos my Papa big pass mi.

John 16:10

Dem dey wrong about God raitiousness, bikos I dey go meet my Papa and dem nor go si mi again.

John 16:16

“Time go soon kom wen una nor go si mi, but afta sometaim, una go si mi.”

John 16:30

Naw wi know sey yu know evritin and yu nor nid anybody to ask yu any kweshon. Bikos of dis, wi bilive sey na God send yu kom.”

John 16:5

“Naw, I dey go meet di Pesin wey send mi kom, but una dey ask mi, ‘Where yu dey go?’

John 17:11

I nor go dey di world again, but dem go still dey inside di world, since I won kom meet yu. Holy Papa, make yor name protet di pipol wey yu give mi, so dat dem go bi one, just as mi and yu na one.

John 17:13

Since I dey kom meet yu, I dey tok all dis tins for di world, so dat dia joy go full well-well.

John 17:5

And naw, Papa honor mi, make yu draw mi near yu, just as wi dey before di world start.

John 8:14

Jesus ansa dem, “Even if I dey tok about mysef, wetin I dey tok na true, bikos I know where I from kom and where I dey go. But una nor know where I from kom or where I dey go.

John 8:42

Den Jesus ansa, “If to sey na God bi una Papa, una for like mi, bikos I kom from God and as I dey so, I nor kom do my own tins, bikos na-im send mi.