John 16:21 - Holy Bible Nigerian Pidgin English

²¹ Wen woman won born pikin, e dey sofa strong pain, bikos en time to born don rish, but wen e don born, e go happy and e nor go remember di pain again, bikos e go si sey e don born pikin.

John 16:21 ပူးပေါင်းရင်းမြစ်များ

Jenesis 3:16

God kon tell di woman, “Wen yu dey labor, I go make am pain yu well-well. Na inside pain yu go take born shidren. Yu go won kontrol yor husband, but na-im go bi yor head.”

Job 11:16

Dat time all yor trobols go vanish like wota wey dey flow pass and dem nor go remember am again.

Psalms 113:9

Woman wey nor get pikin, E dey gi-am shidren kon make am dey happy. So, make wi praiz God!

Isaya 13:8

Fear go katch all of dem with pain like woman wey won born. Dem go dey look each oda with fear and shame go full dia face.

Isaya 21:3

So bikos of all dis tins wey I hear, my belle kon dey pain mi and e dey make mi fear. E dey pain mi like woman wey won born.

Isaya 66:7

My holy town bi like woman wey just born pikin without sey e labor. E born boy pikin without pain.

Mikah 4:10

Jerusalem pipol, make una shaut and kry like woman wey won born, bikos dem must karry una go Babilon as slave. But God go save una for der; E go save una from una enemies hand.

Mikah 4:9

But naw, wetin make una dey shaut and kry? Una nor get king to lead una? Abi dem don kill una wise men finish? So wetin make una dey feel pain like woman wey won born?

Galatians 4:27

Bikos dem rite am sey: “Woman! Yu wey neva born, make yu shaut dey happy, bikos yu neva labor like woman wey won born. Di woman wey neva born, get plenty shidren pass di woman wey get husband.”

1 Tesalonians 5:3

Wen pipol dey sey, “Evritin dey okay and peaceful,” na dat time wahala wey go skata evriwhere go kom and e go bi like di pain wey woman dey face wen e won born and nobody go eskape from am.