John 16:15 - Holy Bible Nigerian Pidgin English

¹⁵ Evritin wey my Papa get, na my own, naim make mi tok sey di Spirit go tell una wetin e dey hear from mi.

John 16:15 ပူးပေါင်းရင်းမြစ်များ

Matiu 11:27

“My Papa put evritin for my hand. Nobody know di pikin, but na only en Papa know am. Nobody know di Papa, but na only di pikin and anybody wey di pikin choose to show.

Matiu 28:18

Den Jesus Christ waka near kon tell dem, “God don give mi all di pawa wey dey heaven and eart.

Luke 10:22

“My Papa don give mi evritin. Nobody know who di pikin bi escept di Papa and nobody know who di Papa bi escept di pikin and pipol wey di pikin choose to show.”

John 13:3

Bikos Jesus know sey en Papa don gi-am pawa to kontrol evritin and as e bi sey e kom from God and e dey go back go meet am,

John 14:21

Anybody wey hear and do wetin I tok, love mi. Di pesin wey love mi, mi and my Papa go love am too and I go show am who I bi.”

John 17:10

Evritin wey I get, na yor own and evritin wey yu get, na my own and dem don honor mi.

John 17:2

Just as yu don give mi pawa ova all di pipol for di world, na so too I go give life wey nor dey end to evribody wey yu give mi.

John 3:35

God love en pikin well-well and E gi-am pawa to kontrol evritin.

Kolossians 1:19

God dey happy sey evritin wey dey inside am, dey inside en pikin too

Kolossians 2:3

Bikos all di wisdom and knowledge wey God get, E hide dem inside Christ.

Kolossians 2:9

Bikos na Christ dey show us evritin about God.