John 15:7 - Holy Bible Nigerian Pidgin English

⁷ If una stay inside mi and my word dey inside una, anytin wey una ask, I go do am for una.

John 15:7 ပူးပေါင်းရင်းမြစ်များ

1 Kings 3:5

One nite wen Solomon dey Gibeon town, God kon appear and ask am for dream sey, “Solomon, make yu ask mi for anytin wey yu wont and I go give yu.”

Job 22:26

Den yu go bilive God kon know sey na-im dey give happiness.

Job 23:12

I dey always do wetin E tok; dey follow en words; nor bi my own.

Psalms 119:11

I don keep yor word for my heart, so dat I nor go sin against Yu.

Psalms 37:4

Make yu depend on God and E go give yu evritin wey yu wont.

Proverbs 10:24

Raitious pipol dey get wetin dem wont, but wetin wiked pipol dey get, na di tin wey dem fear pass.

Proverbs 4:4

my papa go tell mi, “Make yu always remember wetin I tish yu. Do wetin I tok and yu go get long life.

Isaya 58:8

Den my favor go shine for una body like morning sun and una sore go kwik heal. I go always dey to save una and my present go protet una for evriwhere.’

Jeremaya 15:16

My Oga God wey dey mighty, anytime Yu dey tok to mi, I dey listin well-well and na joy and happiness full my heart, bikos I bi yor own.

Matiu 7:7

“Wen yu ask for sometin, God go gi-am to yu; wen yu look for sometin, yu go si am and wen yu nok, di door go open for yu.

John 14:13

And anytin wey una use my name ask, I go do am, so dat pipol go honor di Papa bikos of en pikin.

John 15:16

Nor bi una choose mi, but na mi choose una. Bikos of dat, I don give una pawa to bear fruit wey go last, so dat my papa go give una anytin wey una ask am for my name.

John 16:23

By dat time, una nor go ask mi anytin again. I tell una true word sey, anytin wey una ask my Papa with my name, E go give una.

John 8:31

Jesus kon tell di pipol wey kom from Judea wey bilive am, “If una obey wetin I dey tish una, den una go bi my disciples

John 8:37

I know sey una kom from Abraham family, but una won kill mi bikos una nor won hear wetin I dey tok.

Galatians 4:2

But e go dey under who dey guide am, until di time wey en papa tok, go rish.

Galatians 5:16

I tell una, make una let di Spirit direct una life and una nor go do wetin di flesh wont.

Deutronomi 6:6

Dis word wey I dey kommand una about today so, una must keep am for una mind

Kolossians 3:16

Make Christ word stay inside una and make una dey tish each oda with wisdom wey go make una heart strong. Make una dey sing psalms, hymns and spiritual song and dey do all dis tins to really tank God from una heart.

1 John 2:14

I don rite give una, my shidren, bikos una don know God. I don rite give una wey bi papa, bikos una don know di pesin wey dey alive since God kreate di world. I don rite give una yong pipol, bikos una dey strong and God word dey inside una, as una don win Satan.

1 John 2:27

As for una, di Holy Spirit wey Christ give una, dey stay inside una, so una nor nid anybody to tish una again. Evritin wey di Holy Spirit dey tish, na true and lie nor dey inside. Just as e don tish una, make una stay inside am.

1 John 3:22

and anytin wey wi ask from am, E go give us, bikos wi dey do wetin E wont and na dis tins dey make belle sweet am.

1 John 5:14

Na dis tins dey make awa mind strong anytime wey wi kom meet God: bikos if wi ask am for anytin wey dey good for en eye, E go give us.