John 15:21 - Holy Bible Nigerian Pidgin English

²¹ Since dem nor know di Pesin wey send mi kom, dem go do all dis tins to una bikos of my name.

John 15:21 ပူးပေါင်းရင်းမြစ်များ

Psalms 69:7

I don sofa well-well, bikos of Yu. Na disgrace dem rite full my face

Isaya 66:5

Make una listin to wetin God tok, “Una own pipol hate and porshu una bikos una dey obey my name. Dem dey laf una sey ‘Oya! Make una honor God name na! Make belle sweet una na!’ ” But make una nor worry, bikos na dem go shame.

Matiu 10:18

Bikos of mi, dem go drag una go meet rulers and kings, so dat una go tok about mi give dem and Gentile pipol.

Matiu 10:22

Evribody go hate una bikos of mi. But anybody wey fit bear rish di end, God go save am.

Matiu 10:39

Pesin wey hold en life tait, go luz am, but anybody wey luz en life bikos of mi, go gain am.”

Matiu 24:9

“Dem go karry una wey bi my disciples give pipol wey go sofa and kill una. Bikos of mi, pipol for difren town wey nor know God, go hate una.

Matiu 5:11

“God go bless una wey pipol dey curse, dey sofa and lie for una head, bikos of mi,

Mark 13:13

Evribody go hate una bikos of my name. But di pesin wey go fit bear rish end, go dey save.”

Luke 21:12

“But before dem go happen, dem go arrest and ponish una for wetin una nor do, den go karry una go judge for inside sinagog, den dem go trow una inside prison. Dem go karry una go meet kings and govnors, bikos of my name.

Luke 21:17

Evribody go hate una bikos of my name.

Luke 6:22

Una wey pipol hate, rijet, curse and dey koll bad pipol bikos of Man Pikin, God go bless una

John 15:24

If to sey dem nor si di mirakle wey I do, wey nobody don do before, dem for nor dey guilty for dia sin. But afta dem don si di mirakles, dem still hate mi and my Papa.

John 16:3

Dem go do all dis tins, bikos dem nor know mi and my Papa.

John 17:25

Holy Papa, even if di pipol for di world nor know yu, I know yu and dis ones know sey na yu send mi.

John 8:19

Dem kon bigin kweshon am, “Who bi yor Papa sef?” Jesus ansa dem, “Una nor know mi or my Papa, if to sey una know mi, una for know my Papa too.”

John 8:54

Jesus ansa, “If I dey praiz mysef, my praiz na yeye one. Di pesin wey dey praiz mi na my Papa, wey una dey sey, ‘Na-im bi awa God.’

John 8:55

Una nor know am, but I know am and if I sey I nor know am, I dey lie like una. I know am and I dey follow wetin e dey tok.

Acts 17:23

Bikos as I waka round dey look all di tins wey una dey woship, I even si one shrine wey dem rite put sey: ‘To di god wey pipol nor know.’ So wetin una dey woship wey una nor know, naim I kon tell una about today.

Acts 26:9

Even mi mysef, I bilive before sey make wi fight Jesus Christ wey kom from Nazaret.

Acts 3:17

So my brodas, I know sey una and una oga dem nor know wetin una do.

Acts 4:17

But make di matter nor for kontinue dey spread among di pipol, make wi warn dem make dem nor tok about dis name again.”

Acts 5:41

So di apostles komot from der dey happy well-well sey God don give dem di shance to sofa, bikos of Jesus Christ.

Acts 9:14

E even kollect leta from di priest oga dem, wey e go take katch and trow pipol wey bilive yu, for prison.”

Acts 9:16

True-true I go show am how e go sofa, bikos of my name.”

Romans 1:28

Since dem nor gri put God for mind and serve am, E kon leave dem make dem use dia bad mind dey do tins wey dem nor suppose do.

1 Korintians 15:34

Make una get sense and stop to dey kommit sin. I still dey sopraiz sey some pipol among una nor know God.

1 Korintians 2:8

No ruler for dis world fit undastand God wisdom, bikos if to sey dem fit, dem for nor nail and kill Christ wey get glory.

2 Tesalonians 1:8

Den Christ go use fire wey nor dey kwensh take ponish doz wey nor know God and wey nor dey obey wetin wi dey prish about am.

1 John 3:1

Make una si di kind love wey awa God get for us. And naw, pipol dey koll us God shidren and true-true, na God shidren wi bi. Di world nor know us, bikos dem nor know am.

3 John 1:7

Dem start dia journey bikos of “Christ name” and dem nor gri take anytin from pipol wey nor bi Christian.

Revelashon 2:3

I still know sey yu don bear many tins bikos of my name and still, yu neva taya.