John 14:27 - Holy Bible Nigerian Pidgin English

²⁷ Make una mind rest, bikos na my peace I give una. My peace difren from di one wey di world dey give. Make una nor fear or allow anytin worry una mind.

John 14:27 ပူးပေါင်းရင်းမြစ်များ

2 Kronikles 20:30

So, Jehoshafat kon get peace, bikos God dey protet am for evry side.

Job 34:29

If God sey E nor go do anytin, nobody go fit ask am kweshon. If E hide en face, wi nor go get help at-all weda na one pesin or di hold kountry.

Psalms 11:1

I bilive and trust sey God go protet mi. So wetin make yu dey sey, “Fly like bird go hide for mountin, so dat yu go dey save,

Psalms 112:7

Dem nor dey fear bad news; dem always dey trust God sey E go kare and guide dem.

Psalms 27:1

Na God bi my lite and my salvashon, so na who I go kon dey fear? Na en dey guide and protet mi from danger, so wetin go make mi dey shake?

Psalms 28:3

Make Yu nor drag mi follow pipol wey dey do wiked; doz wey dey tok like sey dem bi friend to dia neighbour, but dem dey plan bad tins for dem for dia mind.

Psalms 29:11

Na God dey give en pipol strent and na en dey bless dem with peace.

Psalms 56:11

I trust God well-well, so wetin go make mi dey fear? Wetin ordinary human being go fit do mi?

Psalms 56:3

But even as I dey fear, I still trust Yu.

Psalms 72:2

Den e go judge yor pipol and doz wey dem dey opress, well.

Psalms 72:7

All di pipol wey dey fear God go prosper as di king dey rule. So make goodness follow dem, as long as di moon dey shine for di sky.

Psalms 85:10

Love wey nor dey fail and trut, don join togeda. Raitiousness and peace don kiss each oda.

Psalms 91:5

So, make una nor fear di wahala for nite or di arrow wey dey fly for day time.

Proverbs 3:25

Yu nor nid to worry about wahala wey go just happen, just as e dey go meet wiked pipol.

Isaya 12:2

Si! Na God dey save mi. I go trust am and I nor go fear. Na God dey give mi pawa and strent and na-im dey save mi.

Isaya 41:10

So make una nor fear, bikos I dey with una! Na mi bi una God, so make anytin nor make una fear! I go make una strong kon help una and I go protet and save una.

Isaya 41:14

God sey, “Israel pipol, as una small and dey weak rish, make una nor fear, bikos I go help una. Mi wey bi Israel God wey dey holy, na mi bi di only Pesin wey go save una.

Isaya 54:13

Na only mi go tish una pipol and I go give dem peace kon make dem prosper.

Isaya 55:12

Una go komot from Babilon with joy and dem go lead una komot from di town with peace. Di mountins and hills go dey sing and di trees go dey shaut with happiness.

Isaya 57:19

I go give peace to evribody, both doz wey dey far and near! I go heal my pipol.

Isaya 9:6

Bikos dem don born one pikin for us! God don give us boy pikin! E go bi awa ruler and dem go koll am, “Wonderful Advise, Mighty God, Everlastin Fada and di Prince wey bring peace.”

Jeremaya 1:8

Di pipol wey I dey send yu go meet, make yu nor fear dem, bikos I go dey with yu and I go save yu. Mi wey bi God, don tok!”

Lamentashons 3:17

I nor know wetin peace mean again and I don forget as happiness dey bi.

Ezekiel 2:6

But yu, my pikin, even doh dem beat and do yu anyhow like sey yu dey stay with skorpions, make yu nor fear dem or anytin wey dem tok. Nor fear anytin wey dem tok or di way wey dem go dey look yu, bikos all of dem sturbon well-well.

Daniel 4:1

King Nebukadnezzar send message go meet all di pipol for Babilon sey: “Make e betta for una!

Daniel 6:25

King Darius kom rite give all di pipol, nashon and language wey dey di land sey: “I greet una!

Zekaraya 6:13

Naim go build di temple kon take di praiz wey suppose bi di king own and e go rule en pipol. One priest go stand near en throne and dem go work togeda with peace and undastandin.

Nombas 6:26

God go look una with favor kon give una peace.” ’

Matiu 10:26

“Make una nor fear man, bikos nor-tin wey hide wey nor go kom out and know sekret wey pipol nor go know.

Luke 1:79

so lite go shine for di pipol wey sidan for darkness and where deat dey. Den God go give us peace.”

Luke 10:5

“Wen una enter any house, make una first sey, ‘Make peace dey dis house!’

Luke 12:4

“I tell una wey bi my friends, make una nor fear pipol wey fit kill pesin, but dem nor fit do pass dat.

Luke 2:14

“Na only God get Glory for heaven and eart, make peace and favor dey with evribody.”

John 14:1

“Make una nor let anytin worry una mind. Since una bilive God, make una still bilive mi.

John 16:33

“I don tell una all dis tins, so dat my peace go stay with una. Wahala full inside di world and sofa dey too, but make una heart dey strong, bikos I don already win di world.”

John 20:19

Dat evening, for di first day for di week, en disciples kon gada togeda. Dem lock di door for di house wey dem dey, bikos dem dey fear di Jew oga dem. Jesus stand among dem kon sey, “Make peace dey with una.”

John 20:21

Den Jesus tell dem again, “Make peace dey with una. As my Papa send mi, na so I send una too.”

John 20:26

Afta eight days, wen all di disciples gada again inside di house and Tomas dey der with dem dis time, even doh sey dem lock all di doors, Jesus show ensef kon stand among dem sey, “Make peace dey with una.”

Acts 10:36

Una know di message wey E send to Israel pipol, wen E tok about di Good News wey dey give peace, thru Jesus Christ, di real Oga God.

Acts 18:9

Jesus kon tell Paul for vishon for nite, “Make yu nor kwayet bikos of fear, but make yu open yor mout dey tok,

Romans 1:7

Rome pipol wey God love and koll make dem bi en own, na una I dey rite dis leta give. Make God awa Papa for heaven and Jesus awa Oga God give una grace and peace.

Romans 15:13

I pray make God wey dey give hope, bless una with joy and peace bikos of una faith. So make di Holy Spirit pawa full una body with faith.

Romans 5:1

Since faith don make us dey good for God eye, wi don get peace thru awa Oga God Jesus Christ.

Romans 5:10

Wi bi God enemies before, but E don make us en friends thru en Pikin deat. Naw, since wi don bi God friends, E go save us thru di life wey en pikin get.

Romans 8:6

If wi let sin rule awa mind, wi go die. But if na di Spirit dey rule us, wi go get life and peace.

1 Korintians 1:3

Make grace and peace wey God and Oga God Jesus Christ dey give, bi una own.

Galatians 1:3

Make God awa Papa and Oga God Jesus Christ grace and peace, dey with una.

Galatians 5:22

But di fruit wey di Holy Spirit dey bear inside us; na love, joy, peace, patient, kindness, goodness, faithfulnes,

Galatians 6:16

Una wey dey obey dis rule wey I dey give so, make peace and mesi dey with una and all God pipol.

Filippians 4:7

Den God peace wey pass wetin human being fit undastand, go guide una heart and mind, inside Christ.

Kolossians 1:2

To all God pipol for Kolosse, wey bi awa brodas and sistas for Christ. Make God awa Papa give una grace and peace.

Kolossians 1:20

and thru Christ blood wey e pour out for us for di cross, God go draw evritin back to ensef afta E don make peace with tins for heaven and eart.

Kolossians 3:15

Make Christ peace dey rule una heart (bikos na thru dis peace, Christ take koll una as one body) and make una dey tank God.

2 Tesalonians 1:2

Make grace and peace wey God awa papa and Oga God Jesus Christ dey give, dey with una.

2 Tesalonians 3:16

Naw, make Christ wey dey give peace, give una en peace evritime and make di peace dey with una always.

2 Timoti 1:7

Bikos God nor give us di spirit wey go make us fear, but di spirit wey E give us, get pawa, love and sef kontrol.

Hibru 13:20

God wey get peace, di Pesin wey use di everlastin kovenant blood bring awa Oga God Jesus Christ kom back from deat; awa Oga God wey dey look di sheep,

Hibru 7:2

So Abraham kon gi-am one from evry ten tin wey e bring kom back from war. Melkizedek mean, “King wey dey do wetin dey rite” and Salem mean, “Peace.”

Revelashon 1:4

Na John rite dis leta go give di seven church wey dey Asia aria. Make grace and peace dey with una from di Pesin wey dey since, wey dey naw and wey go still kom. From di seven spirits wey dey en throne front

Revelashon 2:10

Make yu nor fear di tins wey yu go soon sofa. Devil go trow some of una inside prison, so dat e go test una. Yu go sofa for ten days. But make yu nor live mi, even if e mean sey yu go die. Bikos I go give yu di crown wey bi life.

Revelashon 21:8

But for pipol wey fear nor dey let dem do wetin good; doz wey nor bilive mi, doz wey nor dey obey mi; doz wey kill odas; pipol wey dey sleep with who dem nor marry; doz wey dey do majik; pipol wey dey serve juju and evribody wey dey tok lie, na inside di fire and sulfur dem go-go. And na dat bi di sekond deat.”