John 14:23 - Holy Bible Nigerian Pidgin English

²³ Jesus ansa am, “Anybody wey love mi, go do wetin I tok and my Papa go love am, den wi go kon meet and stay with am.

John 14:23 ပူးပေါင်းရင်းမြစ်များ

Jenesis 1:26

Den God sey, “Make wi kreate human being like Awasef, just as wi bi, so dat dem go bi oga ova di fish dem for sea and di birds for di sky, plus di kattles and ova di whole eart plus evritin wey dey inside.”

Jenesis 11:7

So make wi go down go skata dem kon mix dia language, so dat dem nor go undastand each oda.”

Psalms 90:1

My Oga God, from generashon to generashon na Yu dey protet us!

Psalms 91:1

Pipol wey dey stay where di Most High God dey, go dey save under en shadow.

Isaya 57:15

Na mi bi di high and holy God, di Pesin wey go live forever. Where I dey stay, dey high and holy, but I still dey stay with pipol wey dey honbol and ready to turn from sin kom meet mi, so dat I go give dem mind and hope again.

John 10:30

bikos mi and my Papa, na one.”

John 14:15

“If una love mi, una go do wetin I tok.

John 14:17

Naim bi di Spirit wey dey tok trut, wey pipol for dis world nor go fit receive, bikos dem nor fit si am or know am, but una know am, bikos e dey stay inside una.

John 14:21

Anybody wey hear and do wetin I tok, love mi. Di pesin wey love mi, mi and my Papa go love am too and I go show am who I bi.”

John 14:24

Di pesin wey nor love mi, nor go do wetin I tok. Wetin una dey hear so nor bi my word, but na my Papa own.

John 15:10

If una do wetin I tok, I go love una, just as I dey obey wetin my Papa tok and E love mi.

John 16:27

My Papa love una, bikos una love mi and bilive sey na-im send mi.

John 6:56

Di pesin wey chop my flesh and drink my blood, go stay inside mi and I go dey inside am too.

John 8:51

I dey tell una true word, if anybody follow wetin I dey tish, e nor go die again.”

John 8:52

Den di pipol sey, “Eehen! Wi don know naw sey demon dey inside yu. Abraham and di profets don die, but yu dey tell us sey, ‘Anybody wey follow wetin I dey tish nor go die.’

2 Korintians 6:16

Wish kind business God Temple and juju get? Bikos wi bi God Temple, just as God sey, “I go stay inside dem and waka among dem, den, I go bi dia God and dem go bi my pipol.”

Efesians 3:17

So dat Christ go dey inside una heart thru faith and wen una don strong well-well inside God love,

1 John 2:24

As for una, wetin una don hear from di biginnin, make una let am stay inside una. If wetin una hear from di biginnin stay inside una, una go stay inside di Pikin and en Papa.

1 John 2:5

But anybody wey do wetin dem rite for God word, true-true, God word really dey inside am. Na dis go make us know sey wi dey inside God.

1 John 4:4

My shidren, una kom from God and una don get viktory ova doz pipol, bikos di pesin wey dey inside una, big pass di pesin wey dey di world.

1 John 5:3

To love God, na to keep en kommandment and en kommandment nor dey hard.

2 John 1:6

(Na wetin love mean bi dis: make wi dey do wetin God wont.) Na di kommandment bi dis and just as wi hear am from di biginnin; na so wi suppose to follow am.

Revelashon 21:22

I nor si any temple for di town, bikos Oga God, di one wey get all pawa and di Lamb, na dem bi di temple.

Revelashon 21:3

And I hear one loud vois from di throne dey sey: “Make yu look! God house don dey with human being naw. E go stay with dem and dem go bi en pipol. God ensef go dey with dem.

Revelashon 22:3

Anytin wey God don swear for, go vanish. God and di Lamb throne go dey for dat town and en savants go woship am for der forever.