John 14:17 - Holy Bible Nigerian Pidgin English

¹⁷ Naim bi di Spirit wey dey tok trut, wey pipol for dis world nor go fit receive, bikos dem nor fit si am or know am, but una know am, bikos e dey stay inside una.

John 14:17 ပူးပေါင်းရင်းမြစ်များ

Proverbs 14:10

As yu dey happy wen good tin happen to yu, na so too e go bi wen pain kom. Nobody go fit share dem with yu.

Isaya 57:15

Na mi bi di high and holy God, di Pesin wey go live forever. Where I dey stay, dey high and holy, but I still dey stay with pipol wey dey honbol and ready to turn from sin kom meet mi, so dat I go give dem mind and hope again.

Isaya 59:21

I make kovenant with una sey: I don give una my pawa and word forever and from naw go, make una dey obey mi kon tish una shidren and shidren-shidren, so dat dem go obey mi forever.”

Ezekiel 36:27

I go give una my spirit kon make sure sey una dey follow my laws and keep all di kommandment wey I give una.

Matiu 10:20

Nor bi una go dey tok, but na una Papa Spirit go dey tok thru una.

John 14:16

Den I go ask my Papa and E go send una anoda Pesin wey go help and stay with una forever.

John 14:23

Jesus ansa am, “Anybody wey love mi, go do wetin I tok and my Papa go love am, den wi go kon meet and stay with am.

John 15:26

“But wen di true Spirit wey I go send from my Papa to help una don kom, e go tok about mi.

John 16:13

But wen God Spirit kom, e go show una di trut. E nor go tok wetin dey en mind, but e go tok wetin e hear from God and wetin go happen afta I don go.

John 6:40

Wetin my Papa wont bi sey, anybody wey bilive en pikin, go get life wey nor dey end and I go wake am up for di last day.”

1 Korintians 14:15

So wetin I go do? Bikos e get time wey I go pray with my spirit and time wey I suppose pray with my mind. Sometaim, I suppose sing with my spirit and oda time, I go sing with my mind.

1 Korintians 2:14

So, na only who get God Spirit fit undastand spiritual blessings. Pesin wey nor get God Spirit, nor go fit undastand wetin di Spirit dey tok.

1 Korintians 3:16

Una nor know sey una bi God Temple and en Spirit dey inside una?

1 Korintians 6:19

Abi una nor know sey una body na di temple wey di Holy Spirit dey stay? So, nor bi una get unasef.

2 Korintians 13:5

Make una test unasef to know weda una still dey inside di faith; e good make una shek unasef well-well! Una nor know sey Christ dey inside una? May bi una don fail di test!

2 Korintians 6:16

Wish kind business God Temple and juju get? Bikos wi bi God Temple, just as God sey, “I go stay inside dem and waka among dem, den, I go bi dia God and dem go bi my pipol.”

Galatians 4:6

Since wi bi God shidren, E put en Holy Spirit inside us and naim make us dey fit koll am, “Abba! Fada!”

Efesians 2:22

thru am, God don build una togeda as where E go dey stay thru di Spirit.

Efesians 3:17

So dat Christ go dey inside una heart thru faith and wen una don strong well-well inside God love,

Kolossians 1:27

God wont make dem know di rishis wey dey en glory; wey di sekret get for evribody and na-im bi Christ wey dey inside una. So una get hope sey una go share for God glory.

2 Timoti 1:14

Make yu guide di good tins wey God give yu thru di Holy Spirit wey dey inside us.

1 John 2:27

As for una, di Holy Spirit wey Christ give una, dey stay inside una, so una nor nid anybody to tish una again. Evritin wey di Holy Spirit dey tish, na true and lie nor dey inside. Just as e don tish una, make una stay inside am.

1 John 3:24

So anybody wey do all wetin God tok, dey inside am and God dey inside dat pesin too. Wi know sey E dey inside us, bikos di Spirit wey E give us, dey stay inside us.

1 John 4:4

My shidren, una kom from God and una don get viktory ova doz pipol, bikos di pesin wey dey inside una, big pass di pesin wey dey di world.

1 John 4:6

Wi kom from God and di pesin wey know God dey listin to us, but pesin wey nor know God, nor dey gri with us. Dis na how wi take dey know di thru Spirit and di spirit wey dey deceive pipol.

1 John 5:7

Wi get three witness to show sey wetin wi dey tok, na true and dem bi:

Revelashon 2:17

Pesin wey get ear, make e hear wetin di Spirit dey tell di pipol for di church. Anybody wey fit bear rish di end, I go gi-am some manna wey dem hide for heaven. I go gi-am white stone and for dat stone, dem go rite new name put and nobody go fit undastand am, escept di pesin wey I give di stone.’ ”