John 12:35 - Holy Bible Nigerian Pidgin English

³⁵ Jesus ansa dem, “My lite nor go dey with una tey. Naw wen di lite dey, make una take am waka, so dat darkness nor go kover una. Bikos di pesin wey dey waka for darkness, nor dey si where e dey go.

John 12:35 ပူးပေါင်းရင်းမြစ်များ

Proverbs 4:19

But wiked pipol road dark well-well; dem go fall and dem nor go si wetin make dem fall.

Isaya 2:5

So, Jakob shidren-shidren, make wi waka with di lite wey God take dey guide us!”

Jeremaya 23:12

So di road wey dem dey pass, go dark and go dey draw; I go make dem kick stone fall. I go bring wahala kom meet dem and di time to ponish dem, don near. Mi, wey bi God, don tok.”

Luke 18:37

Dem kon tell am sey Jesus wey kom from Nazaret dey pass.

John 11:10

But pesin wey waka for nite, go fit fall, bikos e nor get lite to si road.”

John 11:9

Jesus ansa, “Evriday get twelf hours wey lite dey take shine, so pipol nor dey fear to waka, bikos dem dey si well-well, as e bi sey lite dey.

John 12:36

As una get di lite naw, make una bilive am, so dat una go bi lite shidren.” Wen Jesus don tok dis tin finish, e kon komot der go hide.

John 12:46

I kom as lite for dis world, so dat anybody wey go bilive mi nor go waka inside darkness.

John 16:16

“Time go soon kom wen una nor go si mi, but afta sometaim, una go si mi.”

John 7:33

Jesus kon tell dem, “I go only stay with una for small time and afta, I go-go meet di Pesin wey send mi.

John 8:12

Den Jesus sey, “Na mi bi di lite wey dey di world, anybody wey follow mi, nor go waka for darkness lie-lie, but e go get di lite wey go gi-am life.”

2 Korintians 3:14

But dia mind dey klose. And till today, dia mind still block wen dem dey read di old kovenant. Dem neva remove am, bikos na for only Christ body, dem go fit take remove am.

Galatians 6:10

So anytime wey wi get shance, make wi dey do good, especially to pipol wey bi God shidren.

Efesians 5:8

Before-before, una dey for darkness, but naw, una bi lite wey dey shine inside Christ. So make una dey do tins like shidren wey get lite,