John 12:26 - Holy Bible Nigerian Pidgin English

²⁶ Anybody wey ready to serve mi, go must follow mi and where I dey, na der my savant go dey too. Anybody wey serve mi, my Papa go honor am.

John 12:26 ပူးပေါင်းရင်းမြစ်များ

Psalms 17:15

Bikos I dey raitious, I go si Yu. Wen I don leave dis world kom meet Yu, I go si Yu face-to-face and belle go sweet mi.

Psalms 91:15

Wen dem koll mi, I go ansa dem; I go dey with dem wen dem dey trobol. I go save and make pipol honor dem.

Proverbs 27:18

Make yu kare for yor fig tree and yu go get many fig fruit to chop and na like dis too, dem go honor savant wey dey kare for en masta.

Nombas 14:24

But bikos my savant Kaleb nor bihave like di oda men and bikos e obey mi, I go take am go di land wey e go spy and en shidren-shidren go stay der.

Nombas 32:11

‘Bikos dem nor follow mi with all dia heart, no one among dem from twenty years go wey komot from Egypt go si di land wey I promise sey I go give Abraham, Isaak and Jakob,

Matiu 16:24

Den Jesus tell en disciples, “If anybody won follow mi, e must deny ensef, karry en cross and follow mi.

Matiu 25:21

“En oga kon tell am, ‘Yu bi good and wise savant and yu do well! Since yu fit use di small tin wey I give yu, e show sey yu go fit kontrol big-big tins. Make yu kom enjoy with mi!’

Mark 8:34

Den Jesus koll di pipol with en disciples kon tell dem, “If anybody one follow mi, e must deny ensef, karry en cross, den kon follow mi.

Luke 12:37

Di savant wey en oga go kom back kon meet am dey work, make e happy well-well bikos di oga go prepare ensef make e for serve di savant food for tabol.

Luke 6:46

“Why una dey koll mi, ‘Oga God’ and una nor dey do wetin I tell una?

Luke 9:23

So Jesus tell all of dem, “If pesin won follow mi, e must forget ensef, karry en cross evriday, dey follow mi.

John 10:27

My sheep dey hear my vois and I know dem and dem dey follow mi.

John 13:16

Make I tell una true word, savant nor dey big pass en oga, just as di pesin wey bi messenja nor dey big pass di oga wey send am.

John 14:15

“If una love mi, una go do wetin I tok.

John 14:3

Wen I don finish, I go kom take una, so dat una go stay with mi for where I dey.

John 15:20

Make una remember wetin I tell una, ‘Savant nor dey big pass en oga.’ If dem sofa mi, den dem go sofa una too. If to sey dem obey my word, dem go obey una own too.

John 17:24

Papa, I wont make di pipol wey yu give mi stay with mi for where I dey, so dat dem go si di glory wey yu give mi, bikos yu love mi before yu kreate di world.

John 21:22

Jesus ansa am, “Make yu mind yor own business. If I wont sey make e stay until I kom back, wish one koncern yu inside? Make yu yorsef follow mi.”

Romans 1:1

Paul wey bi Jesus savant and apostle wey e choose make e prish God word, na en rite dis leta.

Romans 14:18

If yu serve Christ like dis, God go dey happy with yu and pipol go respet yu.

2 Korintians 4:5

Wi nor dey tok about awasef, but wi dey prish sey, na Jesus Christ bi Oga God and wi bi una slave, bikos of am.

2 Korintians 5:8

So wi dey always get di mind sey wi go die komot from dis world, so dat wi go-go stay with Jesus Christ for where e dey.

Galatians 1:10

Una tink sey, I dey try to do tins make pipol for like mi? Abi I dey do wetin God wont? Or I dey try to make belle sweet pipol? If I dey try to make belle sweet pipol, den I nor bi Christ savant again!

Filippians 1:23

Naw, I know wish one I go choose, bikos I won go dey with Christ and na dat one betta pass.

Kolossians 3:24

bikos una know sey na Christ una really dey serve and una know sey E go reward una.

Kolossians 4:12

Epafras, wey bi one among una and Christ savant, dey greet una. E dey pray well-well for una, so dat una leg go strong for groun and una go grow as una dey learn di tins wey God wont.

2 Pita 1:1

Na mi Pita wey bi Jesus Christ savant and apostle, rite dis leta to di pipol wey get di same faith wey wi get. God give una dis faith, bikos of en raitiousness wey kom thru awa Oga God and Savior, Jesus Christ.

1 John 5:3

To love God, na to keep en kommandment and en kommandment nor dey hard.

Jude 1:1

Dis leta na from Jude, Jesus Christ savant and James broda. To di pipol wey God don koll, wey Papa God love don wrap like klot for Jesus Christ body.

Revelashon 14:4

Dis ones nor spoil demsef with wimen, bikos dem bi virgin. Na dem dey follow di Lamb wen e dey go anywhere. God save dem as human being, so dat dem go bi di first fruit wey en and di Lamb plok.

1 Samuel 2:30

“So, di Oga wey bi Israel God sey, ‘Aldo I tok sey yor house and yor grand-grand papa house go serve mi forever, but e nor go happen again! Bikos I go honor doz wey honor mi, but doz wey nor gri do wetin I tok, I go curse dem!