John 11:41 - Holy Bible Nigerian Pidgin English

⁴¹ So, dem kon roll di stone komot from di grave mout. Den Jesus look heaven kon sey, “Papa, I tank Yu sey Yu dey always hear mi and dey do di tins wey I ask from Yu.

John 11:41 ပူးပေါင်းရင်းမြစ်များ

Psalms 123:1

My God wey dey heaven, na Yu I dey depend on.

Matiu 11:25

For dat time, Jesus kon sey, “I praiz yu Papa, Oga God wey get heaven and eart, bikos yu hide dis tins from pipol wey get sense and doz wey know book well-well, but yu show dem to small shidren.

Matiu 11:26

Yes! Papa, na so yu wont make e bi.

Matiu 27:60

E put am inside en own new grave wey e dig inside rock. Den e roll one big stone kover di grave mout.

Mark 15:46

Josef buy linen klot, bring Jesus body kom down from di cross kon take di klot wrap am, den e put am for grave wey dem dig inside rock. Den e roll big stone kover di grave mout.

Luke 10:21

For dat time, di Holy Spirit kon make Jesus dey happy, so e kon sey, “I praiz yu, Papa wey bi Oga God for heaven and eart, bikos yu don hide dis tins from pipol wey get sense and wise, but yu show dem to yor shidren. Yes, Papa, na so yu wont make e bi.

Luke 18:13

“But di tax kollector stand for far place and e nor even look heaven, but kon nak en chest dey sey, ‘God, make yu sorry for mi, bikos I bi sina!’

Luke 24:2

Dem kon si sey dem don roll di stone komot from di grave mout,

John 11:22

But I know sey, God go give yu anytin wey yu ask am.”

John 17:1

Wen Jesus don tok all dis tins finish, e look heaven kon sey, “My Papa, di time don kom wen yu go give glory to yor pikin, so dat yor pikin go give yu glory too.

John 20:1

For di first day for di week, wen day neva break well, Mary Magdalin kon go where di grave dey. E si sey dem don remove di stone wey dem take kover di grave mout.

Acts 7:55

But Stefen, wey God dey use well-well, look strait go heaven kon si God glory and Jesus Christ wey stand for God rite hand.

Filippians 4:6

Make una nor let anytin worry una for mind. Instead, for evry kondishon wey una dey face, make una ask God thru prayer for evritin wey una nid and make una always dey tank am, as una dey pray.