John 11:25 - Holy Bible Nigerian Pidgin English

²⁵ Jesus ansa am, “Na mi bi di resureshon and na mi dey give life. Anybody wey bilive mi go get life even if e don die

John 11:25 ပူးပေါင်းရင်းမြစ်များ

Psalms 36:9

bikos na Yu bi di wota wey dey give life; di lite wey make us dey si.

Isaya 26:19

God pipol wey don die, go kom back to life! Dia body go raiz-up again. So, all of una wey dey grave, make una wake-up kon shaut with happiness, bikos una go grow well like grass wey dew fall put and di eart go bring back evritin wey don die.”

Isaya 38:16

My Oga God wey get pawa, yor kommand dey give pesin life; so make Yu give mi life again.

Luke 23:43

Jesus ansa am, “I tell yu di trut, today yu go dey with mi for paradise.”

John 1:4

Na inside am life dey and na dat life bi di lite wey pipol get.

John 14:19

Afta sometaim, di pipol for dis world nor go si mi, but una go si mi and bikos I dey alive, una go dey alive too.

John 14:6

Jesus ansa am, “Na mi bi di road, di trut and life. Nobody go fit go meet my Papa, unless e pass thru mi.

John 3:16

“God love di pipol wey dey dis world well-well, so E kon send di only pikin wey E get to us, so dat anybody wey bilive am, nor go die, but e go get life wey nor dey end.

John 3:36

Pesin wey bilive di only pikin wey God get, go get life wey nor dey end. But pesin wey nor bilive Man Pikin, nor go get life at-all. God go always dey vex with dat kind pesin.”

John 5:21

As di Papa get pawa to take wake pesin wey don die, na so too di pikin get pawa to give life to anybody wey en won give.

John 5:26

Bikos as di Papa get life for inside am, na so e give en pikin life too.

John 6:35

Jesus kon tell dem, “Na mi bi di bread wey dey give life. Pesin wey kom meet mi nor go hongry lie-lie and di pesin wey bilive mi, nor go hongry for wota again.

John 6:44

Nobody go fit kom meet mi with en own pawa, unless my Papa wey send mi draw am kom meet mi and I go take am go up for di last day.

Acts 3:15

Una kill di pesin wey dey give pipol life, but God raiz am from deat and wi bear witness sey dis na true.

Romans 4:17

God word sey, “I don make yu papa for many nashons.” So for God eye, Abraham na awa papa, bikos e get faith for God wey get pawa to raiz pipol wey don die and to kommand tins wey nor dey before, like sey dem dey.

Romans 8:2

Since di Holy Spirit don give una life wey kom from Jesus Christ, e go free una from sin and deat.

1 Korintians 15:18

And doz wey bilive Christ before dem die, don lost bi dat.

1 Korintians 15:29

If resureshon nor dey, wetin make dem dey baptize pipol for Christ?

2 Korintians 4:14

Wi do like dis, bikos wi know sey di Pesin wey raiz-up Jesus, go still raiz us up with Jesus and E go take wi and una enter en kingdom.

Filippians 1:23

Naw, I know wish one I go choose, bikos I won go dey with Christ and na dat one betta pass.

Filippians 3:10

Wetin I wont na to know am and di pawa wey wake Christ from deat; to sofa wetin e sofa; to bi as e bi wen e die,

1 Tesalonians 4:14

Since wi bilive sey Jesus die and e wake-up; na so too wi bilive sey, doz wey bi Christian before dem die, God go raiz dem up.

Revelashon 1:18

di One wey dey alive! I die before, but naw, I dey alive forever and ever. Deat and grave key dey my hand.

Revelashon 20:5

(But di rest pipol wey don die nor go live again, until di 1,000 years don komplete.) Dis na di first resureshon.

Revelashon 21:4

E go klean evry tears from dia eye and deat nor go dey again. To dey mourn, kry and pain nor go dey again, bikos di tins wey dey before, don vanish.”

Revelashon 22:1

Den di angel show mi di river wey dey give life. Di river klear like crystal and e dey pour kom from God and di Lamb throne.

Revelashon 22:17

Di Spirit and di Bride sey, “Kom!” Make di pesin wey hear sey, “Kom!” And anybody wey wota dey hongry, make e kom; di pesin wey wont di wota wey dey give life, make e drink from am free of sharge.