John 10:28 - Holy Bible Nigerian Pidgin English

²⁸ I don give dem life wey nor dey end and dem nor go ever die. Nobody go fit take dem komot from my hand.

John 10:28 ပူးပေါင်းရင်းမြစ်များ

Job 17:9

But doz wey get good heart, dey do wetin dey rite and di ones wey get klean hand, dey strong evriday.

Psalms 31:5

I don put my life for yor hand. So Oga God, make Yu diliver mi, bikos Yu bi God wey dey faithful.

Psalms 37:28

Bikos God like to dey judge well and E nor go ever leave doz wey dey fear am.

Proverbs 24:16

bikos no matter how many times good pipol fall; dem dey always get up again; but trobol dey distroy wiked pipol.

Proverbs 4:18

Raitious pipol ways bi like sun for morning wey dey shine well-well go rish evening.

Isaya 27:3

“Na mi wey bi God go protet am, I dey always look and wota am. I dey guide am both for day and nite, so dat nobody go skata am.

Isaya 45:17

But God go save Israel and dia viktory go bi forever. Nobody go ever disgrace God pipol again.

Isaya 54:17

But nor-tin wey pipol use against una, go fit distroy una; una go ovakom evribody wey dey akuiz una. Dis na wetin pipol wey dey serve Mi dey enjoy and I go defend and make dem win.” Na so God tok!

Isaya 55:3

My pipol, make una open una ear as una dey kom meet mi; make una kom meet mi and una go get life! I go give una kovenant wey go last forever kon give una di blessings wey I promise David.

Jeremaya 23:4

I go choose rulers wey go kare for dem. My pipol nor go fear at-all and I nor go ponish dem again. Mi, wey bi God, don tok.”

Jeremaya 31:3

I go kom help dem, bikos I love Israel pipol well-well and na dis make mi still dey show dem my love wey nor dey end.

Jeremaya 31:34

“Pipol nor go nid to tish each oda about how to know God, bikos evribody go know mi; both doz wey poor and doz wey get money. I go forgive dia sins and I nor go remember di bad tins wey dem do before. Mi, wey bi God, don tok.”

Jeremaya 32:40

I go make kovenant wey nor dey end with dem sey I nor go ever stop to do good tins for dem and I go make dem fear mi with all dia heart, so dat dem nor go turn leave mi again.

Mark 13:22

Bikos fake christs and profets go kom and dem go do signs and mirakles wey bi like majik to deceive pipol. If to sey e possibol, dem go deceive di pipol wey God don choose.

Luke 23:46

So, Jesus shaut, “Papa, I put my spirit for yor hand!” Afta e tok finish, e kon die.

John 10:29

My Papa wey give dem to mi big pass evribody and nobody go fit take dem komot from my Papa hand,

John 11:25

Jesus ansa am, “Na mi bi di resureshon and na mi dey give life. Anybody wey bilive mi go get life even if e don die

John 14:19

Afta sometaim, di pipol for dis world nor go si mi, but una go si mi and bikos I dey alive, una go dey alive too.

John 17:2

Just as yu don give mi pawa ova all di pipol for di world, na so too I go give life wey nor dey end to evribody wey yu give mi.

John 18:9

(E tok dis word make e bi sey wetin dem rite for God word na true, “I nor lost anybody among di sheep wey yu give mi.”)

John 3:36

Pesin wey bilive di only pikin wey God get, go get life wey nor dey end. But pesin wey nor bilive Man Pikin, nor go get life at-all. God go always dey vex with dat kind pesin.”

John 4:14

But anybody wey go drink from di wota wey I go gi-am, nor go hongry for wota again, bikos di wota wey I go gi-am, go turn to river wey nor dey dry inside en belle and di wota go gi-am life wey nor dey end.”

John 5:24

“I tell una true word, di pesin wey take wetin I tok and bilive sey na di Papa send mi, go get life wey nor dey end and e nor go enter hell-fire, but e go get life wey nor dey end.

John 6:27

Make una nor work for food wey nor dey last, but for food wey go give una life wey nor dey end and dat kind food, na only Man Pikin go fit give una, bikos na-im God send kom.”

John 6:37

Anybody wey my Papa give mi, go kom meet mi and wen e kom, I nor go ever drive am.

John 6:47

I dey tell una true word, anybody wey bilive mi, don get life wey nor dey end.

John 6:68

Den Simon Pita ansa am, “Oga God, na who wi go kon go meet? Na yu get di word wey dey give pipol di life wey nor dey end.

Acts 7:59

As dem dey stone Stefen, e kon pray, “Oga God, Jesus Christ, make yu receive my spirit.”

Romans 5:17

But if na bikos of one man sin deat kill evribody, den, doz wey don get favor and Christ gift, dey good for God eye and dem go enjoy life thru Jesus Christ!

Romans 5:2

Na faith e take buy us so dat wi go enter God grace, di place where wi dey naw. So wi fit boast with God glory wey wi dey enjoy.

Romans 5:21

and as sin dey kontrol us thru deat, na so God grace dey rule thru raitiousness wey dey bring life wey nor dey end bikos of Jesus Christ wey bi awa Oga God.

Romans 5:9

Naw, wi dey rite bikos of Christ blood and na dis blood go save us from God vexnashon.

Romans 6:23

Bikos, di reward for sin, na deat, but God gift wey Jesus Christ dey give us, na life wey nor dey end.

Romans 8:1

So, God nor go kondemn pipol wey bilive Jesus Christ.

Romans 8:29

God know doz wey E don choose, so E don make dem bi like en Pikin, so dat en pikin go bi di first-born.

Deutronomi 33:3

Yes! God really love en pipol; all doz wey dey holy dey en hand. Dem waka as E dey waka kon do di tins wey E tish dem.

Filippians 1:6

I dey sure sey, di Pesin wey start dis good work for una life, go make am pafet until di day wen Christ go kom.

2 Tesalonians 2:13

But my brodas and sistas wey God love, wi dey always tank God for una evritime, bikos God don choose una from di biginnin sey, E go save una with di Holy Spirit pawa wey go make una dey holy, since una get faith and trut.

1 Timoti 1:16

But God sorry for mi, so dat Christ go use mi as betta ezample to show sey, e dey patient with even di pesin wey sin pass. Den odas go know sey, demsef go fit bilive am kon get life wey nor dey end.

2 Timoti 1:12

And naim make mi dey sofa wetin I dey sofa so. But I nor dey shame, bikos I know di Pesin wey I dey serve and I dey sure sey, E go guide di tin wey I gi-am whole, until di day wey Christ go kom.

Hibru 7:25

So, di pipol wey Jesus take go meet God, e go save dem for forever and ever, bikos e dey alive to pray for dem.

1 Pita 1:5

and en pawa dey protet am thru faith and wi dey wait for di salvashon wey go kom for di time wen di world go end.

1 John 1:2

and dis life kom out and wi don si am. Na dis tins wi dey tok about. Wi dey tell una about di life wey nor dey end, wey dey with di Papa for heaven and E don show am to us.

1 John 2:19

Na from us dis pipol from komot, but dem nor really dey God family before, bikos if to sey dem dey, dem for stay with us. But dem live us, so dat evribody go know sey dem nor bi awa own.

1 John 2:25

Dis na di promise wey Christ ensef promise us sey, di life wey e go give, nor go ever end.

1 John 5:11

Dis na wetin God tok: God don give us life wey nor dey end and dis life dey inside en Pikin.

Jude 1:1

Dis leta na from Jude, Jesus Christ savant and James broda. To di pipol wey God don koll, wey Papa God love don wrap like klot for Jesus Christ body.

Jude 1:21

Make una keep unasef inside God love as una dey wait for awa Oga God Jesus Christ, wey go bring life wey nor go end.

Jude 1:24

Naw, make all glory bi God own, bikos E nor let una fall and E go bring una kom en present with betta joy wey nor get fault.

1 Samuel 2:9

E dey wosh and guide di pipol wey E choose, but E dey make wiked pipol shut up for di dark place wey dem dey, bikos nobody fit win war with en own pawa.