John 10:25 - Holy Bible Nigerian Pidgin English

²⁵ Jesus ansa dem, “I don tell una and una nor bilive. Di tin wey I take my Papa name dey do, dey bear witness for mi.

John 10:25 ပူးပေါင်းရင်းမြစ်များ

John 10:32

So Jesus tell dem, “I don do many good tins wey una si from my Papa, wish one make una won stone mi so?”

John 10:37

If I nor do di tins wey my Papa send mi, make una nor bilive mi.

John 10:38

But if I dey do dem, even if una nor bilive mi, make una bilive di tins wey I dey do, so dat una go know and undastand sey, I dey inside my Papa and my Papa dey inside mi too.”

John 11:47

Den di priest oga dem and Farisee pipol kon koll di kansol memba dem togeda, ask dem, “Wetin wi go do, since dis man dey do plenty mirakles?

John 12:37

Aldo Jesus don do many mirakle for dia front, dem nor still bilive am.

John 14:11

Make una bilive sey I dey inside my Papa and my Papa dey inside mi, but if una nor fit bilive mi, make una bilive bikos of di mirakles wey I dey do.

John 20:30

Jesus do many mirakles wen e dey with en disciples wey dem nor rite for dis book.

John 3:2

E hide go meet Jesus for nite kon tell am, “Tisha, wi know sey yu bi di pesin wey God send kom meet us, bikos nobody fit do di mirakles wey yu dey do, unless God dey with am.”

John 7:31

Many pipol for der bilive am kon sey, “Anytime di pesin wey bi di Christ kom, e go fit do mirakle wey pass wetin dis one dey do so?”

John 8:12

Den Jesus sey, “Na mi bi di lite wey dey di world, anybody wey follow mi, nor go waka for darkness lie-lie, but e go get di lite wey go gi-am life.”

John 8:24

Na dis make mi sey una go die inside una sin. Unless una bilive sey, ‘Na mi bi di pesin wey I tok sey I bi’, una go die inside una sin.”

John 8:56

Una papa Abraham happy well-well wen e hear sey I dey kom. E si am and e happy well-well.”

John 8:58

Jesus ansa dem, “Na true word I dey tell una so, before dem born Abraham, I don already dey!”

Acts 10:38

Jesus Christ wey kom from Nazaret, na-im God give di Holy Spirit and pawa. Una still know how e do good for evriwhere kon heal pipol wey devil dey opress, bikos God dey with am.

Acts 2:22

“Israel pipol, make una hear wetin I dey tok, Jesus Christ wey kom from Nazaret, di man wey God choose and wey e send to una, wey God use do many mirakles and oda wonderful signs for una front, as all of una know,

Hibru 2:3

Wetin make us sey wi go dey free if wi nor listin to dis korrect salvashon message? Na God first tok am and pipol wey hear am kon show us sey na trut.