Job 9:24 - Holy Bible Nigerian Pidgin English

²⁴ God don give dis eart to wiked pipol kon kover all di judge dem face. If nor bi en do am, den na who fit?

Job 9:24 ပူးပေါင်းရင်းမြစ်များ

2 Samuel 15:30

David kon go Mount Olives bigin kry. E nor wear any shoe and e kover en head to show how e nor dey happy. All di pipol wey follow am still kover dia head as dem dey kry.

2 Samuel 19:4

Di king kover en face bigin kry dey sey, “O-o my pikin! O-o my pikin Absalom! Absalom my pikin!”

Estha 6:12

Den Mordekai go back to di palis gate, while Haman kover en face with shame kon run go house.

Estha 7:8

As Haman still knee down near Estha dey beg am, di king kon waka enter from di gardin. As di king si am, e kon sey, “So yu even won rape my wife, di kween for my present?” As di king still dey tok, dem kon kover Haman face.

Job 10:3

E good as Yu dey opress mi? Yu dey opress wetin Yu make with yor hand. Yu dey happy for wetin wiked pipol dey do?

Job 12:17

E dey make leaders bihave like fools kon take wisdom from rulers hand.

Job 16:11

God don karry mi give wiked pipol. E don put mi for evil men hand.

Job 19:7

“If I kry out bikos of dis trobol sef, nobody go ansa mi. I dey kry for help, but nobody dey hear am.

Job 22:8

Yu dey opress pipol with yor pawa and pozishon.

Job 24:12

For inside town, doz wey wound and di ones wey dey die, dey kry, but God nor dey ansa dem.

Job 24:25

If nor bi so e bi, who go fit sey I dey lie or sey wetin I tok, nor bi true?”

Job 32:2

Den Elihu wey bi Barakel pikin from Ram family for Buz kon dey vex. E dey vex, bikos Job sey e nor do God anytin.

Psalms 17:14

My God, with di pawa wey dey yor hand, make Yu distroy pipol wey dey espect dia reward from dis world. But doz wey Yu like well-well, make Yu give dem enough and dia shidren go get plenty kon die leave propaty for dia shidren-shidren.

Ekklesiastes 4:1

Den I tink of all di wiked tins wey dey happen for dis world. I si pipol wey dem dey opress, dey kry and nobody dey to help dem. Nobody dey to save dem from doz pawaful men wey dey opress dem.

Jeremaya 14:4

Rain nor fall since so dia land dey strong and doz wey dey plant, don taya and dem nor know wetin to do.

Daniel 4:17

Dis na di decision wey di angel make. So, make evribody wey dey di world know sey di Most High God get pawa ova evry kingdom and E dey gi-am to anybody wey E choose! Even to di pipol wey small pass!’

Malakai 2:17

Una don make God taya with una many tok. But una still dey ask, “How wi take make God taya?” Na wen una sey, “Pipol wey dey do bad tins, dey good for Oga God eye and E like dem well-well and wen una still ask sey, ‘Where di God wey dey judge well?’ ”