Job 8:9 - Holy Bible Nigerian Pidgin English

⁹ bikos dis life wey wi dey so, short well-well. Wi nor know anytin at-all and awa days for dis eart bi like shadow wey go kwik vanish.

Job 8:9 ပူးပေါင်းရင်းမြစ်များ

Jenesis 47:9

Jakob ansa Fero, “I don stay for more dan one hundred and thirty years. And all di years wey I don spend for dis life nor many, but e nor dey eazy; di years wey I don stay, nor many rish di years wey my grand-grand papa dem stay.”

1 Kronikles 29:15

Awa Oga God! Yu know sey wi dey pass thru dis world like strenjas, just as awa grand-grand papa dem do. Awa days bi like shadow wey dey fade and wi nor fit run from deat.

2 Kronikles 10:6

King Rehoboam ask di old men wey bin dey advise Solomon sey, “Wetin una wont make I tell dis pipol?”

Job 14:1

“Na short life na-im man wey woman born get and na trobol full am.

Job 14:2

Wi dey grow and dry kwik-kwik like flower; wi dey vanish like shadow and nor-tin dey remain.

Job 32:7

I tell mysef sey make una tok, bikos una wey don old fit get wisdom wey una go share.

Job 7:6

My days just dey run kwik-kwik like moto; but for di end, I nor get hope.

Job 8:10

But make yu let doz wey get sense before dem die, tish yu; make yu listin to wetin dem dey tok:

Psalms 102:11

My life dey pass kwik-kwik like shadow for evening and I dey die go like grass.

Psalms 102:12

But Yu, my Oga God go sidan for yor throne forever and evry generashon go know how Yu dey great.

Psalms 144:4

Wi just bi like air wey dem dey breath; awa days bi like shadow wey dey fade go.

Psalms 39:5

Si! Yu don make my life short well-well and my whole life bi like one sekond to Yu. True-true, evribody life just bi like breeze wey dey blow pass.”

Psalms 82:5

But doz wey dey opress oda pipol, nor know anytin at-all. Dem bi fools! Dem dey waka anyhow for darkness, while all di foundashon for di eart dey skata.

Psalms 90:4

To Yu, one tazon years bi like one day or like some hours for nite.