Job 5:9 - Holy Bible Nigerian Pidgin English

⁹ Wi nor go fit know di great tins wey E dey do and en wonders nor get end.

Job 5:9 ပူးပေါင်းရင်းမြစ်များ

Job 10:16

If I sey make I karry body up, Yu go porshu mi like lion and na mi Yu go use take show yor pawa.

Job 13:1

“True-true, my eyes don si all dis tins, my ear don hear dem and I undastand dem well.

Job 37:14

Job, make yu wait small kon listin; konsida all di wonderful tins wey God don do,

Job 37:16

Yu know how di kloud take hang for sky? Dat na one tin wey God do wey dey sopraiz evribody.

Job 37:5

Wen God tok, e dey bi like tonda and wonderful tins dey happen; tins wey wi nor fit undastand.

Job 42:3

Yu ask mi sey why I dey kweshon yor wisdom wen I nor know anytin at-all! I dey tok tins wey I nor undastand and mirakles wey too great for mi to know.

Job 9:10

Wi nor go fit undastand di great tins wey E dey do and all di wonderful tins wey nobody fit kount.

Psalms 139:18

If I try to kount dem, dem go many pass san-san. Even if I kount dem finish, Yu go still dey with mi.

Psalms 145:3

God dey great! Na only en wi suppose to dey praiz! Nobody fit measure as E big rish.

Psalms 40:5

My Oga God, Yu don do wonderful tins for us. Wetin Yu plan for us too many to kount. Nobody bi like Yu. If I start to kount all di wonderful tins wey Yu don do, I nor go fit kount dem finish.

Psalms 40:6

Yu really don make mi undastand sey, nor bi only sakrifice and ofrin yu wont. True-true, Yu nor just wont only burnt or sin ofrin.

Psalms 72:18

Make una praiz di Oga wey bi Israel pipol God bikos of di wonderful tins wey E do and na only en fit do dem.

Psalms 86:10

bikos Yu big well-well and dey do wonderful tins. Na only Yu bi God,

Ekklesiastes 3:11

God dey make evritin happen for di rite time. Yet nobody go fit really undastand all di tins wey E don do and E put kweshons for awa mind about wetin don happen before and wetin go still happen.

Isaya 40:28

Una nor know? Una neva hear? God go dey forever. Na-im kreate di whole world. E nor dey taya or weak. Nobody fit undastand wetin E dey tink.

Romans 11:33

Who fit know how God big rish? Who fit know how God wisdom and undastandin bi? Who fit esplain why God dey do wetin E dey do!