Job 42:2 - Holy Bible Nigerian Pidgin English

² “I know sey na Yu get pawa pass! Yu fit do anytin wey Yu won do and nobody fit stop!

Job 42:2 ပူးပေါင်းရင်းမြစ်များ

Jenesis 18:14

E get anytin wey too hard for God to do? As I tok before, nine monts from naw I go kom back and Sarah go born boy.”

Job 23:13

E neva shange and nobody fit oppoz or stop am from wetin E won do.

Job 25:2

“Na God get pawa pass. E keep en kingdom wey dey heaven for peace.

Job 42:1

Den Job ansa God:

Psalms 135:6

E dey do anytin wey E like for heaven and eart, both for under di sea and ocean too.

Psalms 139:2

Yu know wen I sidan or wen I stand up. Yu know wetin I dey tink even wen I dey far from Yu.

Psalms 44:21

E go know, bikos E know wetin dey evribody mind.

Proverbs 19:21

Pipol fit plan difren-difren tins, but na wetin God tok, go happen.

Ekklesiastes 3:14

Bikos I know sey anytin wey God do, na final and e go dey forever; dem nor go fit add anytin join am or remove anytin from inside. God make evritin like dis, so dat pipol go fear am.

Isaya 14:27

True-true, God wey dey lead heaven sojas get plan and who go fit stop wetin E won do? En hand dey ready to ponish anybody. So who go fit stop am?

Isaya 43:13

Even before I kreate di day, I bi who I bi and nobody fit eskape from my pawa. Na who fit shange or skata wetin I don do?”

Isaya 46:10

I know di end from di biginnin and na from wen I kreate di world I don dey tok tins before dem happen. I sey na as I plan am, na so e go bi and I go do am as I wont am.

Jeremaya 17:10

Na mi wey bi God dey si and test human being heart. I dey trit each pesin akordin to how e dey live en life and wetin e dey do.

Jeremaya 32:17

‘My Oga God! Na Yu kreate heaven and eart with yor mighty pawa and great strent. Nor-tin dey hard for Yu to do!

Ezekiel 38:10

Dis na wetin God wey get pawa dey tell Gog: “Wen dat time don rish, yu go start to tink of di wiked tins wey yu go do.

Daniel 4:32

Dem go drive yu komot from where human being dey and yu go stay with animals. Na seven years yu go take chop grass like melu kon sleep for open field where dew go fall for yor body, until yu go know sey na di Most High God get pawa ova evry kingdom and E dey gi-am to anybody wey E like.”

Daniel 4:35

Yu nor fit kompare God with anybody for dis world. E dey do wetin E like with di angels for heaven and pipol for dis world. Nobody fit shalenge or ask am, “Wetin Yu tink sey Yu dey do?”

Matiu 19:26

Jesus look dem kon ansa, “E nor possibol for human being, but evritin dey possibol with God.”

Mark 10:27

Jesus look dem kon ansa, “Dis tins hard well-well for human being, but nor bi for God, bikos evritin dey possibol for God.”

Mark 14:36

Jesus kon pray, “My Papa, e nor get wetin yu nor fit do. Make yu take dis sofa cup from mi. But nor bi as I wont am, but na as yu wont.”

Luke 18:27

Jesus ansa, “Wetin nor possibol for human being, dey possibol with God.”

John 21:17

Jesus ask am di third time, “Simon, John pikin, yu sure sey yu love mi so?” Pita kon dey vex, bikos e pain am well-well, as Jesus ask am di same kweshon three times, “Yu sure sey yu love mi so?” Den Pita sey, “Oga God, yu know evritin, yu know sey I really love yu.” So, Jesus tell am, “Make yu feed my sheep.

Efesians 1:11

All tins dey happen as God wont am and thru Christ, E choose us to bi en own pipol, bikos na so E plan am from di time wen E kreate di world,