Job 36:3 - Holy Bible Nigerian Pidgin English

³ I go use wetin I know take show sey God dey rite. I go tok di ones wey I know.

Job 36:3 ပူးပေါင်းရင်းမြစ်များ

Job 32:2

Den Elihu wey bi Barakel pikin from Ram family for Buz kon dey vex. E dey vex, bikos Job sey e nor do God anytin.

Job 32:8

But I don si am sey na God Almighty spirit dey enter and give human being wisdom.

Job 34:5

Job sey en know do bad tin and God nor gri defend am.

Job 36:2

“Make yu relax and listin to mi small, bikos I still get some tins to tok for God, as E nor dey here with us.

Job 37:23

Wi nor fit kom klose to God, bikos en pawa big well-well! E always dey rite and korrect as E dey deal with us.

Job 4:17

E get any man wey dey innocent before God? E get anybody wey dey klean before di Pesin wey kreate am?

Job 8:3

Abi God nor dey like justice? Abi God nor dey do wetin dey rite?

Psalms 11:7

God dey good and E dey judge well; so E go favor doz wey dey do good too.

Psalms 145:17

God dey rite for evritin wey E dey do; na goodness full en body.

Jeremaya 12:1

My God, Yu dey always trit mi well anytime wey I komplain give Yu. But I ask Yu one kweshon about good judgement: “Why e bi sey wiked pipol dey prosper and pipol wey nor dey honest, dey susid?

Daniel 9:14

Awa Oga God dey ready to ponish us and E really ponish us, bikos anytin wey E dey do, dey rite, yet wi nor gri listin to am.

Daniel 9:7

“Awa God! Na only Yu dey do wetin dey rite, but dem dey disgrace us evriday, bikos Judah, Jerusalem and all di pipol wey Yu skata go evriwhere, nor gri listin to Yu.

Matiu 12:42

For judgement day, Sheba kween go kondemn di pipol for dis time, bikos e travel from far place kom hear Solomon wisdom. And naw, somebody wey big pass Solomon dey here with una!”

Romans 9:14

Wetin wi go tok? Wi go sey God dey show parsha? No!

Deutronomi 32:4

Na-im bi di Rock; evritin wey E dey do dey korrect, bikos wayo nor dey en tins. En na God wey pesin fit bilive, bikos E nor just dey judge pipol anyhow.

James 1:17

bikos evry betta and pafet gift dey kom from God. E dey kom down from di Papa wey kreate lite and E nor dey shange.

James 1:5

But if anybody nid wisdom, make e ask God wey dey gi-am to evribody. E nor go sey, “No,” but E go give yu.

James 3:17

But God wisdom dey pure; e get peace; dey gentol; dey asept pipol and good fruit and mesi full am; e nor dey do wayo or pritend.

Revelashon 15:3

Dem dey sing Moses wey bi God savant and di Lamb song sey: “God wey dey mighty, si as di tins wey yu dey do dey big and wonderful! Yu wey bi king for all nashons. Yu nor dey do parsha and evritin wey yu dey do, na true.