Job 24:9 - Holy Bible Nigerian Pidgin English

⁹ Wiked pipol dey use small pikin wey nor get papa take do slave kon seize poor pipol shidren, bikos of di money wey dem dey hold.

Job 24:9 ပူးပေါင်းရင်းမြစ်များ

2 Kings 4:1

One day, one woman wey en husband bi profet before e die kon kry go meet Elisha sey, “Yor savant my husband don die. Yu know sey yor savant dey follow God kommand. Naw, doz wey e dey owe money before e die, won kom take my two sons as slave.”

Nehemaya 5:5

Wi bi Jew pipol too, awa shidren bi like dia own shidren. But wi sell awa shidren as slave give dem. Dem don sell some among awa dotas as slave. Wi nor get pawa or who go help us, bikos dem don take awa farms and vineyards from us.”

Job 22:6

Yu sey make yor broda pay di money wey e dey hold yu kon seize all en klot.

Job 24:10

But poor pipol dey naked go out; na with honga dem take dey work.

Job 24:8

Rain wey dey fall on-top di mountin dey beat dem and dem dey go hide under rock, bikos dem nor get house.

Job 29:12

Wen poor pipol kry kom meet mi, I dey help dem; I dey help pikin wey nor get papa and mama and doz wey nor get where to go.

Job 6:27

Yu go gambol for di pipol wey nor get papa again. Bikos of money, yu go sell yor friends wey like yu well-well.

Isaya 3:14

God won judge doz wey dey lead en pipol. E sey, “Na una skata di vineyard kon pak poor pipol tins full una house.

Deutronomi 24:7

If una katch pesin wey kidnap anoda Israel pesin kon dey trit am like slave or sell am, di pesin wey kidnap anoda pesin, must die. Like dis, una go remove bad-bad tins from among una.