Job 17:4 - Holy Bible Nigerian Pidgin English

⁴ Yu don klose dia mind, dem nor go fit undastand anytin, but make Yu nor let dem win mi.

Job 17:4 ပူးပေါင်းရင်းမြစ်များ

2 Samuel 15:31

Wen dem tell David sey Ahitofel don join Absalom against am, e kon pray, “Oga God, I beg! Make any word or advise wey Ahitofel tok, dey yuzles!”

2 Samuel 17:14

Absalom and Israel leaders kon sey, “Hushai advise betta pass Ahitofel own.” God don decide sey dem nor go follow Ahitofel good advise, so dat wahala go follow Absalom.

2 Kronikles 25:16

As e dey tok, King Amazaya kon tell am, “Na who choose yu to advise di king? Make yu stop to profesai or dem go kill yu trowey!” Di profet stop kon sey, “I know sey God one distroy yu, bikos of dis tins wey yu do and yu nor gri listin to my advise.”

Job 12:20

E take di wisdom wey old pipol get kon silent doz wey dey advise odas.

Job 17:5

Pesin wey sell en friend bikos of money, na en shidren go sofa am.

Isaya 19:14

God don konfuse dem; dem dey give wrong advise and evritin wey Egypt pipol dey do, nor dey rite at-all and naw, di pipol dey stagga like drunkard man wey sleep on-top en vomit.

Matiu 11:25

For dat time, Jesus kon sey, “I praiz yu Papa, Oga God wey get heaven and eart, bikos yu hide dis tins from pipol wey get sense and doz wey know book well-well, but yu show dem to small shidren.

Matiu 13:11

Jesus ansa dem, “God don make una know all di sekret tins about en kingdom, but dis pipol nor know.

Romans 11:8

just as God word sey: “God make dem foolish sotey dia eye nor dey si and dia ear nor dey hear till today.”

1 Korintians 1:20

Wetin happen to di wise pipol? Wetin happen to doz wey know Moses Law well-well? Wetin happen to doz wey tink sey dem get all di ansa? Abi God nor sey dis world wisdom, nor mean anytin?