Job 14:5 - Holy Bible Nigerian Pidgin English

⁵ Yu know as human being life bi from di biginnin. Even di nomba of dia days wey dem go live, Yu don setol am and Yu nor dey shange.

Job 14:5 ပူးပေါင်းရင်းမြစ်များ

Job 12:10

bikos na God hand dey hold di eart and evribody dey alive bikos of en pawa.

Job 14:14

If pesin don die, e fit kom back to life? But I go wait for betta time wen dis trobol don pass mi.

Job 16:22

My years nor plenty again and I go soon go where I nor go fit kom back again.

Job 21:21

Bikos wen pesin die, e nor kare about wetin happen to en family.

Job 7:1

“Evritin wey man dey do for dis life nor bi struggol? Abi awa days nor bi like savant wey dem hire to work?

Psalms 104:29

Wen Yu nor ansa dem, dem go dey fear. Wen Yu remove life from dem, dem go die kon turn to san.

Psalms 104:9

Na Yu set where di sea go flow rish, so dat dem nor go ever kover di eart again.

Psalms 139:16

Yu dey si mi wen I dey my mama belle. All di days wey I go live, dem rite am for yor book, even before dem born mi.

Psalms 31:15

My future dey yor hand. Make Yu save mi from my enemies pawa, bikos dem won kill mi.

Psalms 39:4

“My God, na how long I go dey dis life? Wen I go take die? Make Yu tell mi wen my life go end.

Ekklesiastes 3:2

Time dey to born and time dey to die; time dey to plant sometin and time dey to harvest wetin yu plant.

Ekklesiastes 8:8

Wi nor fit kontrol breeze or tok di day wen wi go die. Dat na one war wey wi nor fit run from and wikedness nor go fit save doz wey dey do evil.

Daniel 11:36

“Den di king go do wetin e like. E go dey make mout and karry body up sey, ‘I get pawa pass any oda god. I even high pass God wey dey heaven.’ E go dey susid until di time wey God won ponish am, don rish. God go do wetin E don plan.

Daniel 4:35

Yu nor fit kompare God with anybody for dis world. E dey do wetin E like with di angels for heaven and pipol for dis world. Nobody fit shalenge or ask am, “Wetin Yu tink sey Yu dey do?”

Daniel 5:26

And dis na wetin e mean: mene (nomba) mean sey: ‘God don nomba di days wey yu go rule and E go end am.’

Daniel 5:30

So for dat nite, dem kon kill Belshazzar wey bi Babilon king.

Daniel 9:24

“God don set seventy weeks as di time wen E go take free yor pipol kon ribuild en temple. Una dey sofa, bikos of all di evil and wiked tins wey una do. Afta, E go forgive una sins and judge una well forever, so dat wetin E tok, go happen. Den E go anoint di holy temple again.

Luke 12:20

“But God kon tell di man, ‘Yu bi fool! Dis nite, yu go die, den who go kon get all dis tins wey yu don gada for yorsef?’

Acts 17:26

Na thru one man E make all di tribes wey dey di world and E tok di time and place where dem go find God rish,

Hibru 9:27

Bikos God sey, na only wons man go die and afta dat, judgement go kom,

Revelashon 1:18

di One wey dey alive! I die before, but naw, I dey alive forever and ever. Deat and grave key dey my hand.

Revelashon 3:7

“Make yu rite di tins wey I won tell yu naw, go give di angel for di church wey dey Filadelfia: ‘Di Pesin wey dey holy and true, wey whole David key; wen dis pesin open door, nobody go fit klose am and wen e klose door, nobody go fit open am.

1 Samuel 26:10

David still sey, “As God dey alive, na God go kill-am by ensef. One day e go sleep nor wake-up or dem go kill-am for war.