Job 14:12 - Holy Bible Nigerian Pidgin English

¹² na so too pipol wey die nor go kom back again. Dem nor go fit si di sky for day time again, bikos dem don sleep go.

Job 14:12 ပူးပေါင်းရင်းမြစ်များ

Job 3:13

If to sey I die dat time, I for dey rest naw;

Job 30:23

I know sey Yu dey karry mi go where I go for die; di place wey Yu keep for evribody.

Job 7:21

Yu nor fit just forgive mi my sins? Yu nor fit just sorry for all di bad tins wey I do? I go soon die and wen Yu dey look for mi, I go don go.”

Job 7:9

As kloud dey vanish, na so who die nor dey kom back again.

Psalms 102:26

Even wen dem skata, Yu go dey forever. Dem go tear like garment and Yu go remove and distroy dem like one old klot.

Psalms 90:5

Yu dey swip pipol trowey like dream wey dey vanish. Dem bi like grass wey grow for morning.

Ekklesiastes 11:8

So if pesin get long life, make e dey happy as e dey live di life. But make e still know sey, di days wey darkness go dey, many well-well and evritin wey go still happen, dey yuzles.

Ekklesiastes 12:5

Remember am naw, before yu go kon dey fear to klimb high place or to waka for road; den yor hair go don turn white like almond tree wey dey shine and yu go hardli fit karry yorsef just like grasshoppa wey dey die; den all di mind to dey sleep with woman or man, go vanish and small time, yu go-go yor final resting place, den pipol go mourn for di street for yu.

Isaya 26:19

God pipol wey don die, go kom back to life! Dia body go raiz-up again. So, all of una wey dey grave, make una wake-up kon shaut with happiness, bikos una go grow well like grass wey dew fall put and di eart go bring back evritin wey don die.”

Isaya 51:6

So make una look heaven and eart! Di heavens go vanish like smoke, di eart go tear like old klot and all en pipol go die like fly. But wen I diliver am, e go last forever. My viktory, na di final one.

Isaya 65:17

God sey, “I go kreate new heavens and new eart. Nobody go remember di tins wey don happen before and e go komot from dia mind kpata-kpata.

Isaya 66:22

God sey, “Just as di new eart and heaven wey I go make go dey with mi forever, na so too una name and una shidren-shidren name go dey with mi forever.

Daniel 12:2

Many pipol wey don die go raiz; doz wey dey holy go get life wey nor dey end, while odas go sofa forever.

Matiu 24:35

Heaven and eart go vanish, but my word go still dey.

Acts 3:21

Dis Jesus Christ go stay for heaven till di time wey God go make evritin betta again as E don tok thru en holy profets.

Romans 8:20

Bikos of sin, di world dey sofa from God curse naw and nor bi bikos dem wont am like dat. But di world dey hope

Efesians 5:14

Bikos na lite dey make evritin shine kom out and na dis make dem rite sey: “Wake-up; yu wey dey sleep! Make yu raiz from grave and Christ go shine for yor life!”

2 Pita 3:7

Na di same word God take keep dis heaven and eart dey wait for fire wey go kom. E keep dem dey wait Judgement day. Di day wen E go distroy di pipol wey nor dey fear am.

Revelashon 20:11

Den I si one big white throne and di Pesin wey sidan put. Eart and heaven run komot from en present and dem nor si where to hide put.

Revelashon 21:1

Den I si new heaven and new eart. Di first heaven and eart nor dey again and di sea vanish.