Job 11:16 - Holy Bible Nigerian Pidgin English

¹⁶ Dat time all yor trobols go vanish like wota wey dey flow pass and dem nor go remember am again.

Job 11:16 ပူးပေါင်းရင်းမြစ်များ

Jenesis 41:51

Josef koll di first-born Manasseh kon sey, “True-true, God don make mi forget all my wahala and my papa house,”

Jenesis 9:11

Na with dis word I take enter kovenant with yu; I promise sey I nor go ever distroy di eart with wota again.”

Job 22:11

Yu nor dey si again, bikos di trobol don too dark for yor eye and wota don kover yu.

Job 6:15

But my friends, una don show sey una bi like wota wey dry bikos rain nor fall!

Proverbs 31:7

So allow dem drink forget dia poverty and dem nor go remember dia trobol again.

Ekklesiastes 5:20

God dey always make dat kind pesin enjoy en life and e nor dey worry about anytin.

Isaya 54:4

Make una nor fear, dem nor go disgrace una again. Make una nor fear at-all, bikos una nor go face shame again. Una go forget una shame wey happen wen una dey small and una nor go remember di sofa wey una sofa wen una nor get shidren.

Isaya 54:9

“I promise una for Noah time sey I nor go use wota distroy di world again. Naw, I dey promise sey I nor go vex for una again and I nor go rebuke or ponish una again.

Isaya 65:16

Anybody for di land wey ask for blessing, God wey dey faithful go bless am. Anybody wey won swear, go use God name wey bi trut take swear and dis na bikos di trobol wey dey before, don pass and I go forget dem forever.”

John 16:21

Wen woman won born pikin, e dey sofa strong pain, bikos en time to born don rish, but wen e don born, e go happy and e nor go remember di pain again, bikos e go si sey e don born pikin.