Jeremaya 9:3 - Holy Bible Nigerian Pidgin English

³ God sey, “Dis pipol bi like sojas wey don ready dia bows. Dem always dey ready to lie, bikos of dis, dem don get pawa for di land, but na wayo dem take get am. Dem don do many bad tins and dem nor dey tink of mi wey bi dia God.

Jeremaya 9:3 ပူးပေါင်းရင်းမြစ်များ

Jenesis 39:16

So di woman keep di klot until en husband kom,

Proverbs 12:5

Good pipol dey always tink good, but make yu nor ever trust anytin wey wiked pipol tell yu.

Isaya 1:3

Melu know en owner, donkey sef know who dey gi-am food, but Israel wey bi my pipol nor know or undastand mi at-all.”

Isaya 3:5

Dem go dey fight each oda; Men go oppoz each oda and neighbours go fight against dia neighbour. Yong pipol nor go respet dia senior and foolish pipol go dey curse doz wey dem bin dey respet.”

Isaya 6:5

I kon sey, “My own don finish, bikos evry word wey dey komot from my mout, na sin full am and I dey stay with pipol wey all dia words na sin and naw, I don use my eyes si Oga God wey bi di king wey get pawa.”

Isaya 9:18

Di pipol wikedness dey burn like fire wey dey distroy both grass and shuku-shuku. E dey burn forest and en smoke dey go up to heaven.

Jeremaya 12:6

Even yor own brodas and family dey against yu; dem don join doz wey won kill yu. Make yu nor trust dem, even doh dem dey trit yu well.”

Jeremaya 22:16

E judge poor pipol well and evritin go well with am, den God kon sey, ‘Dat na betta ezample to show sey yu know mi.’

Jeremaya 31:34

“Pipol nor go nid to tish each oda about how to know God, bikos evribody go know mi; both doz wey poor and doz wey get money. I go forgive dia sins and I nor go remember di bad tins wey dem do before. Mi, wey bi God, don tok.”

Jeremaya 4:22

But God sey, “My pipol foolish well-well, dem nor know mi at-all. Dem bi shidren wey nor get sense and dem nor dey kwik undastand anytin. Na only bad-bad tins dem sabi do.”

Jeremaya 5:4

So I kon sey, “Na only poor and foolish pipol dey bihave like dis. Dem dey bihave like fools, bikos dem nor know wetin God wont. Dem nor know wetin dia God wont make dem do.

Jeremaya 5:5

I go-go meet and tok to di leaders, bikos dem know wetin God wont and wetin E sey make dem do.” But even dem too don rijet God and nor gri obey en kommand.

Jeremaya 6:28

I ansa, “Dem bi sturbon and wiked pipol; dia heart strong like bronze and iron. Dem dey lie waka and na so-so bad-bad tins dem dey do.”

Jeremaya 7:26

But nobody among una dey listin or hear dem. Instead, una sturbon and wiked pass una grand-grand papa.”

Jeremaya 9:5

Friends dey deceive friends and nobody dey tok trut. Dem don train demsef to dey lie and do bad tins. Dem nor gri turn from sin kom meet God.

Jeremaya 9:8

Dia mout sharp like arrow and na so-so lie full am. Dem dey tok well with dia neighbours, but for dia mind, na trap dem dey set for di pesin.

Ezekiel 8:13

Den God tell mi, “Yu go si sey dem dey do tins wey even bad pass dis ones.”

Daniel 11:27

Di two kings go sidan chop for di same tabol, even doh dem get bad belle for each oda; dem go dey deceive each oda. Dem nor go get wetin dem won get, bikos di time neva rish.

Levitikus 19:11

“ ‘Make una nor play wayo, tif or lie.

Mark 8:38

If anybody shame for mi and wetin I dey tish for dis world wey wiked and ashawo pipol dey, Man Pikin go shame for am too, wen e go kom back for en Papa and en holy angels glory.”

John 17:3

Life wey nor dey end, dis na wetin e mean, ‘Na make pipol know yu wey bi di only true God and Jesus Christ, wey yu send.’

Acts 24:9

As e dey tok, di Jew pipol too dey support sey, wetin e tok, na true.

Romans 1:16

I nor dey shame to prish God word, bikos na-im bi di pawa wey God take dey save doz wey bilive am, weda dem bi Jew or Gentile pipol.

Romans 1:28

Since dem nor gri put God for mind and serve am, E kon leave dem make dem use dia bad mind dey do tins wey dem nor suppose do.

Romans 3:13

Na lie wey fit kill pesin full dia mout and wiked words full dia tongue.

1 Korintians 15:34

Make una get sense and stop to dey kommit sin. I still dey sopraiz sey some pipol among una nor know God.

Filippians 1:28

Make una nor fear una enemies, bikos dem go soon skata and dat na sign to show sey God go save una.

2 Timoti 3:13

But wiked and evil pipol nor go prosper. Dem go deceive odas and dem go deceive diasef too.

Jude 1:3

My friends, even doh e don dey hongry mi since to rite give una about di salvashon wey wi dey share togeda, naw e strong well-well for my mind to rite, so dat una mind go dey strong. So una go fit stand fight for wetin wi bilive; di tins wey God don give en pipol and nor-tin go fit shange am.

Revelashon 12:11

God pipol don win Satan with di Lamb blood and with di word wey dem tok about Christ. Dem nor too kare for dia life, so dem even dey ready to die.

Judges 14:17

Thru-out di seven days wey dem do di party, di woman dey always kry for Samson. But for di sevent day, Samson kon tell am di ansa, bikos e dey always disturb am. Den di woman go tell di pipol.

Judges 2:10

Afta dat generashon die finish, di next generashon forget God and evritin wey E don do for dem.

1 Samuel 2:12

Eli sons dey wiked and dem nor dey do wetin God kommand.