Jeremaya 9:16 - Holy Bible Nigerian Pidgin English

¹⁶ I go skata dem go difren nashons wey dem or dia grand-grand papa neva hear of before kon send sojas go fight dem, until I don distroy dem finish.’ ”

Jeremaya 9:16 ပူးပေါင်းရင်းမြစ်များ

Nehemaya 1:8

Make Yu remember wetin Yu tell Moses wen Yu sey, ‘If una nor dey faithful to mi, I go skata una go oda nashons.

Psalms 106:27

kon skata dia shidren-shidren among di nashons and for far-far place.

Ekklesiastes 12:5

Remember am naw, before yu go kon dey fear to klimb high place or to waka for road; den yor hair go don turn white like almond tree wey dey shine and yu go hardli fit karry yorsef just like grasshoppa wey dey die; den all di mind to dey sleep with woman or man, go vanish and small time, yu go-go yor final resting place, den pipol go mourn for di street for yu.

Jeremaya 13:24

So dat na why God go skata una like dirty wey strong breeze blow trowey.

Jeremaya 24:10

I go bring war, honga and diziz kom meet dem, until nobody among dem go remain for di land wey I give dem and dia grand-grand papa.’ ”

Jeremaya 25:27

Den God tell mi, “Tell di pipol sey mi, Israel God wey dey mighty, dey kommand dem make dem drink till di drink katch dem. Dem go dey vomit until dem fall for groun and dem nor go fit get up again, bikos I dey send war kom meet dem.

Jeremaya 29:17

God wey dey mighty sey, ‘I dey bring war, honga and diziz kom meet dem and I go make dem bi like rotin fig fruit wey nobody fit chop.

Jeremaya 44:27

I go make sure sey, una nor prosper and dem go distroy una finish. Diziz and war go kill una, until nobody go remain again.

Jeremaya 7:29

So, Jerusalem pipol! Make una mourn and kut una hair. Make una sing burial song on-top evry hill, bikos God sey, ‘I go rijet and forget dis pipol, bikos dem don make mi vex.’ ”

Jeremaya 8:19

I dey hear my pipol dey kry for evriwhere for di land sey, ‘God nor dey Zion? Abi Zion king nor dey der again?’ ” But God ansa, “Wetin make una go woship juju kon make mi vex?”

Ezekiel 11:17

“So, make yu tell dem wetin mi wey bi God dey tok. I go gada dem kom back from di land where I skata dem go kon give dem Israel land again.

Ezekiel 12:15

“Wen I don skata dem among di nashons and for strenja land, den dem go know sey na mi bi God.

Ezekiel 14:17

“Or I fit send war kom dat kountry and dem go distroy di pipol and dia animals with gun, swods and knife

Ezekiel 20:23

So I kon swear again for di wildaness. I swear sey I go skata dem for evriwhere for di world.

Ezekiel 27:2

“Man pikin, make yu sing sorrowful song for Tyre pipol;

Ezekiel 5:12

Some of una go die bikos of honga; sickness go kill some; swod go kill anoda set for outside di town and di remain wons, I go skata dem for air kon porshu dem with my swod.

Ezekiel 5:2

Burn di third part for fire afta yor work don finish. Take anoda part kon kut am anyhow for outside di town. Den make yu skata di remainin part for air and I go use my swod take distroy dem.

Levitikus 26:33

I go make war happen to una and I go skata una go strenj land. Nobody go dey di land and I go distroy una towns.

Amos 5:16

So God wey get pawa sey, “For di town, pipol go dey kry and mourn for evriwhere. Dem go sey make farmers kry for dia land, den dem go pay pipol wey go kom mourn with dem.

Mikah 2:4

Wen dat time rish, pipol go use una as song take esplain how wahala bi and dem go use una wahala take dey sing sey: “Awa own don finish kpata-kpata! God distroy, take awa land from us kon gi-am to awa enemies.”

Zekaraya 7:14

Instead, I go skata and karry dem go difren kountry like sey na heavy breeze blow dem. Den dis betta land go turn where pipol nor dey stay again and where dem dey trowey dirty put.”

Deutronomi 28:25

God go still allow una enemies beat una; una go attack dem from one side, but una go run komot seven side, den all pipol for di eart go dey fear bikos of wetin hapun to una.

Deutronomi 28:36

God go karry una with di king go meet pipol wey una with una grand-grand papa neva hear of before and una go serve and woship gods wey dem make with wood and stone.

Deutronomi 28:64

bikos God go skata una among many kountries from one end for di eart go rish di oda end. For der, una go woship gods wey una or una grand-grand papa nor know before; gods wey dem make with wood and stones!

Deutronomi 32:26

“I sey, ‘I won kut dem to pieces. I won make pipol forget dem forever.

Deutronomi 4:27

God go skata una among di pipol and una nor go many for di kountries wey God go drive una go.

James 1:1

Mi James, wey bi God and Jesus Christ savant, dey greet una wey bi di twelf tribes wey dey for evriwhere for di world.