Jeremaya 5:3 - Holy Bible Nigerian Pidgin English

³ My God, shebi na trut Yu wont? But even wen Yu ponish dis pipol, dem still nor gri shange and wen Yu nearly distroy dem, dem nor gri take korreshon. Dia heart strong like rock and dem nor won turn from sin kom meet Yu make Yu for forgive dem.

Jeremaya 5:3 ပူးပေါင်းရင်းမြစ်များ

Jenesis 19:34

Di next day, di senior dota kon tell en sista sey, “I sleep with papa yestiday nite; so make wi gi-am plenty drink today again, so dat yu go sleep with am.”

1 Kings 13:33

King Jeroboam for Israel nor still shange from di bad tins wey e dey do, but e kontinue to dey choose priest from ordinary family make dem kon serve for di altar wey e build. Na pipol wey just like to bi priest, e dey make priest.

2 Kings 1:13

Di king still send anoda offisa and fifty sojas go. Dis third offisa go meet Elijah kon fall for en front dey beg am, “Profet! Abeg, make yu nor kill mi and my men wey bi yor savants.

2 Kronikles 16:9

E klear sey na God dey wosh di whole world and E dey ready to give pawa to doz wey trust am. Yu nor use sense for dis matter, so from naw go, na so-so war yu go dey fight.”

2 Kronikles 28:22

Na wen King Ahaz dey for trobol, e even disobey God pass.

Psalms 51:6

But even before dem born mi, Yu don plan betta tins for mi kon dey tish mi wisdom.

Psalms 51:8

My God, make Yu give mi my joy back and make my bones wey Yu break, strong again.

Psalms 55:20

Dem dey attack dia friends and break di promise wey dem make with dem.

Proverbs 21:29

Good pipol dey-dey sure of demsef; but wiked pipol sabi pritend well-well.

Proverbs 22:12

God dey protet doz wey dey tok trut, but doz wey dey lie waka, E dey distroy dia plans.

Proverbs 23:35

Yu go sey, “Dem attack mi, but I nor wound! Dem beat mi, but I nor remember. ‘Wen I go take stand up for bed, so dat I go-go find anoda drink?’ ”

Proverbs 27:22

Even if yu beat foolish pesin almost die, yu nor go fit beat en foolishness komot for en body.

Isaya 26:11

My God, even doh Yu don dey ready to ponish wiked pipol, dem nor still know sey Yu won ponish dem. Dem go si am and shame go katch dem wen dem si how Yu go take judge yor enemies for di world.

Isaya 42:25

So E make us si how E dey vex kon make us sofa di pains. En vexnashon dey burn like fire for evriwhere for Israel, but wi nor know wetin bin dey happen and wi nor still learn anytin from am.

Isaya 48:4

Bikos I know how una sturbon rish; una neck strong like iron and una head bi like bronze.

Isaya 9:13

Even with all dis ponishment from God, Israel pipol nor gri turn from sin go meet di Pesin wey go save dem. Dem nor even tink to setol with di Oga God wey dey lead heaven sojas.

Jeremaya 15:7

God still sey, “Just as breeze dey blow and skata dirty for evriwhere, na so too I go skata una for evriwhere for di eart. I go distroy una wey bi my pipol kon kill una shidren, bikos una nor gri stop di bad-bad tins wey una dey do.

Jeremaya 17:23

But una grand-grand papa nor listin to mi, bikos dem sturbon and nor gri obey or learn from mi.” ’

Jeremaya 19:15

Israel God wey dey mighty tok: “I go soon ponish dis town and di oda towns wey surround am, bikos una sturbon well-well and una nor gri listin to wetin I tok.”

Jeremaya 2:30

“Even as I ponish una shidren rish, dem nor gri shange or listin as I dey korrect dem. Just as lion dey kill en enemy, na so too una don kill una profets finish.”

Jeremaya 3:3

Bikos of dis, God nor allow rain fall, even for di rite time. With all dis tins, una still dey live una ashawo life and shame nor dey katch una.

Jeremaya 32:19

Yu dey make betta plan kon do mighty tins. Yu know evritin wey pipol dey do and Yu dey reward dem akordin to wetin dem do.

Jeremaya 35:13

sey make I go tell Jerusalem and Judah pipol sey, “Mi wey bi God, dey ask una wetin make una nor gri listin to mi kon obey evritin wey I kommand.

Jeremaya 44:10

But till naw, una neva gri honbol unasef. Una neva honor mi or live una life as I kommand una and una grand-grand papa.

Jeremaya 7:26

But nobody among una dey listin or hear dem. Instead, una sturbon and wiked pass una grand-grand papa.”

Jeremaya 7:28

So tell dem sey: “Dis na nashon wey nor gri obey di Oga dia God or learn from dia wahala. Nobody for der dey good and di pipol nor dey even tok about good tins again.

Jeremaya 8:5

Den, wen dis pipol turn from mi, why dem nor turn back kom meet mi? Instead, dem whole dia juju tight and nor gri turn kom meet mi.

Ezekiel 2:4

Di pipol wey I dey send yu go meet so, dem sturbon well-well and dem nor dey respet mi. So I dey send yu go tell dem wetin mi, God wey get pawa dey tok.

Ezekiel 24:13

Jerusalem pipol! Una yeye life don make una dirty, even doh I try make una dey klean, una still dirty. Una nor go dey klean again until my vexnashon don fall on-top una with full force.

Daniel 9:13

Yu dey ponish us just as dem rite am for Moses Law. But as Yu ponish us rish, wi still dey kommit sin and wi nor gri do wetin Yu tok.

Levitikus 26:23

“If afta all dis ponishment una still nor listin to mi, but kontinue to rijet mi,

Amos 4:10

“I send diziz kom meet una like di one wey happen to Egypt pipol. I kill una yong men for war kon skata una horse. I allow dead body dey smell for una kamps, but una nor still gri turn kom meet mi.” Na so Oga God tok.

Amos 4:11

“I distroy some of una town, just as I distroy Sodom and Gomorrah. And una wey remain bi like stik wey dey burn before dem komot am from fire. With all dis one, una still nor gri turn kom meet mi.” Na so Oga God tok.

Amos 4:6

God sey, “Na mi make hongry dey una town, but una nor still gri turn kom meet mi.

Amos 4:8

So pipol dey stagga from one town go anoda town go look for wota wey dem go drink, but dem nor si enough wota drink and with all dis tins, una nor still gri turn from sin kom meet mi.” Na so Oga God tok.

Amos 4:9

“I send hot breeze kon dry all wetin una plant. Ant chop all wetin una plant for una vineyard, even una fig and olive tree too. Yet una nor still gri turn kom meet mi.” Na Oga God dey tok so.

Zefanaya 3:7

God sey, “I bin tink sey, ‘Una go really respet mi!’ Naw, make una do wetin I tok! If to sey una really gri do am, dem nor for skata una house with all dis ponishment.” But na only to sin una dey tink about.

Romans 2:2

Wi know sey God nor dey lie wen E dey judge pipol wey dey do bad tins.

Hibru 12:9

If awa papa for eart ponish us and wi dey respet dem, e nor good make God ponish us, so dat awa life go betta?