Jeremaya 4:2 - Holy Bible Nigerian Pidgin English

² den, na only my name una go take swear sey, ‘As long as God dey alive, wi go do wetin wi promise’, den all di nashons go praiz mi and I go bless dem bikos of una.”

Jeremaya 4:2 ပူးပေါင်းရင်းမြစ်များ

Jenesis 22:18

Bikos yu don obey mi, evribody go get blessing, bikos I go bless yor shidren-shidren.’ ”

1 Kings 3:6

Solomon ansa, “Yu show great love to David my papa wey bi yor savant and e dey good, dey respet and always dey honor Yu. Yu still show am yor great love wey nor dey end, wen Yu make one of en pikin king afta am.

Psalms 72:17

Make di king rule forever; make en kingdom kontinue as long as di sun dey shine. Make blessing dey all di nashons bikos of am, so dat dem go praiz am.

Psalms 99:4

Di king dey strong; E love to judge well. God dey make sure sey dem judge evry kase well. Na Yu make betta judgement and raitiousness dey for Israel land.

Isaya 45:23

Wetin I promise una, na true and nobody go fit shange am. Evribody go kom knee down for my front den promise sey dem go respet and obey mi.

Isaya 45:25

Dem go bless and praiz Israel pipol, bikos of di Oga awa God.”

Isaya 65:16

Anybody for di land wey ask for blessing, God wey dey faithful go bless am. Anybody wey won swear, go use God name wey bi trut take swear and dis na bikos di trobol wey dey before, don pass and I go forget dem forever.”

Jeremaya 10:10

But na only Yu Oga, bi di true God. Di God wey dey alive and Yu go rule forever. Anytime Yu dey vex, di world dey shake and nobody fit stand wen Yu dey vex.

Jeremaya 12:15

Afta I don take dem komot dia land, I go sorry for dem kon bring each nashon kom back to en own land again.

Jeremaya 12:16

But dem must first asept my pipol relijon with dia heart and as dem make my pipol swear with dia Baal juju, na so too, dem go use my name take swear kon sey: ‘Wi swear with God wey nor dey die.’ If dem do all dis tins, I go add dem join my pipol.

Jeremaya 16:19

Den I sey, “My God! Na Yu dey protet and give mi pawa. Yu dey help mi anytime I dey for trobol. Nashons go kom from evriwhere for di eart kon sey, ‘Di gods wey awa grand-grand papa dem get, na only to lie dem know and dem nor fit save anybody.’

Jeremaya 3:17

Wen dat time rish, pipol go know Jerusalem as ‘God Throne’ and all di nashons go gada kom woship mi for der. Dem nor go do wetin dia sturbon and wiked heart sey make dem do again.

Jeremaya 33:9

Jerusalem go bring joy, honor and pride for mi and all di nashons for di world go fear wen dem hear about di good tins wey I go do for Jerusalem pipol and how I go make dia town prosper.”

Jeremaya 5:2

Doh dis pipol dey swear with God name, but di trut bi sey, dem nor mean wetin dem dey tok.”

Jeremaya 7:5

Make una shange from di kind life wey una dey live kon dey do di rite tin. Make una respet each oda too.

Jeremaya 9:24

If anybody won boast, make e boast sey e know and undastand mi, bikos my love dey forever and I dey do wetin dey korrect and true. I like pipol wey dey do dis kind tin. Mi, wey bi God, don tok.”

Hosea 2:19

Israel, I go make yu my wife; I go love and dey faithful to yu; I go always sorry for yu and yu go bi my own forever.

Joel 2:12

Dis na wetin make God sey, “Make una turn from sin kom meet mi naw wey time still dey. Make una give mi una heart. Make una fast, kry and mourn as una dey kom meet mi.

Zekaraya 8:8

I go bring una kom back to una house and una go get peace for Jerusalem. Una go bi my pipol and I go bi una God wey go rule and judge una well.”

Malakai 1:11

God sey, “From east go rish west, pipol go honor my name for evriwhere. Dem go burn betta incense and offa betta sakrifice give mi, bikos my name go dey great among all di nashons.

1 Korintians 1:31

bikos, God word sey, “Anybody wey won boast, make e use Christ take boast.”

2 Korintians 10:17

But pesin wey won boast, make e boast about di work wey Jesus do.

Galatians 3:8

Dem rite for God word before sey, “E go asept Gentile pipol, wen dem get faith” and na dis make am tell Abraham before di time rish sey, “E go bless evribody, bikos of am.”

Deutronomi 10:20

Una must fear di Oga una God kon woship and love am. Wen una swear, e go must bi with en name.

Deutronomi 4:30

For dat time, wen una dey trobol and all dis tins don happen to una, una go turn kom meet di Oga una God kon obey all en kommand

Deutronomi 6:13

Una must fear di Oga una God kon serve am. Una must use only en name take swear.

Filippians 3:3

Na wi bi di really sekonsishon; di pipol wey dey woship God thru en Spirit; pipol wey dey happy inside Christ and wi nor dey put awa hope for wetin pipol dey do.

Rut 3:13

But make yu stay here dis nite. Wen day break, if e agri sey e go marry yu, den e good like dat. But if e nor gri, I promise sey as long as God dey alive, I go marry yu. So make yu sleep till day go break.”

1 Samuel 20:3

But David sey, “Yor papa know how yu like mi well-well and e don gri for en mind sey, ‘Make I nor let Jonatan know about dis matter, bikos if e know, e nor go dey happy!’ But as long as God dey alive, na small tin make mi neva die!”