Jeremaya 31:20 - Holy Bible Nigerian Pidgin English

²⁰ So God ansa, “Israel, una bi my shidren wey I love well-well. I dey always tink of una with love wen ever I remember una name. Una dey for my heart and I go really sorry for una.

Jeremaya 31:20 ပူးပေါင်းရင်းမြစ်များ

Jenesis 43:30

Josef rush go outside, bikos e nor fit bear as e dey si en brodas and e don nearly won kry. So e go en room kon kry well-well for der.

1 Kings 3:26

Den di pikin real mama kon tell di king with pain for en heart sey, “My King! Abeg, instead make yu kill di pikin, make yu gi-am to di oda woman.” But di oda one ansa, “My king! Nor give di pikin to any of us, but make yu just divide am.”

Psalms 103:13

Just as papa dey love and pity for en shidren, na so too, God dey good and dey sorry for doz wey dey fear am.

Proverbs 3:12

Bikos God dey korrect only di pipol wey E love, just as papa dey korrect di pikin wey e dey proud of.

Song of Songs 5:4

My love try to open di door from outside thru di hole and I kon dey feel for am.

Isaya 16:11

My heart dey kry for Moab and Kir-Hareset pipol.

Isaya 30:18

Bikos of dis, God dey ready to pity for en pipol; E sidan for en throne and E dey ready to forgive una. True-true, God dey good and evribody wey get faith and dey wait am, go happy well-well.

Isaya 55:7

Make wiked pipol turn from dia wiked life kon shange di way dem dey tink. Make dem turn go meet di Oga wey bi awa God, bikos E dey sorry for pesin and dey kwik forgive pipol.

Isaya 63:15

Oga God! Make Yu look us from heaven, yor holy place where Yu dey stay wey get glory. Where yor pawa and strong mind dey? Where yor love and mesi dey? Make Yu nor leave us at-all.

Jeremaya 3:12

God sey make I go tell Israel pipol for nort sey, “Una wey nor dey faithful, make una kom back kom meet mi. I go sorry for una and I nor go vex again! I nor go vex for una forever.

Jeremaya 3:19

God sey, “I go take una back as my shidren kon give una betta land; di land wey fine pass for di whole world. Den una go koll mi, ‘Papa’ and una nor go turn from mi again.

Jeremaya 31:9

As I dey lead dem kom back, dem go dey kry, beg and pray make I forgive dem. I go guide dem pass where wota dey kon take dem pass strait road where dem nor go kick stone fall. I go do am, bikos na mi bi Israel papa and Efraim na my first-born.’ ”

Jeremaya 33:26

Since I don do dis tin, I go keep my kovenant with my savant Jakob and David shidren-shidren. I go choose one of David shidren-shidren make e rule ova Abraham, Isaak and Jakob shidren-shidren. I go sorry for my pipol kon make dem prosper again.”

Jeremaya 48:36

So I dey kry from my heart for Moab and Kir-Heres pipol like pesin wey dey blow trumpet and sing burial song, bikos evritin wey dem get, don vanish.

Lamentashons 3:22

God faithful love nor dey end! And en mesi nor dey finish.

Ezekiel 33:11

Tell dem sey, ‘God sey, “As long as mi wey get pawa dey alive, I nor dey happy to si doz wey dey sin, dey die. I prefer make dem stop to sin, so dat dem go get life wey nor dey end. So, Israel pipol, make una stop di wiked tins wey una dey do. Na wetin make una won kill unasef finish?” ’

Hosea 14:4

So God ansa, “I go bring my pipol kom back to mi. I go love dem with all my heart and I nor go vex for dem again.

Levitikus 26:44

“But even wen dem still dey dia enemy land, I nor go leave and distroy dem finish. Bikos dat one go make my kovenant with dem end, na mi bi di Oga dia God.

Luke 15:24

bikos dis my pikin die before, but naw, e don kom back to life, e lost before, but naw, I don si am!’ So di party kon start.

Luke 15:32

But e good make I do party, bikos yor broda die before, but naw, e don kom back to life, e lost before, but naw, wi don si am.’ ”

Deutronomi 32:36

God go judge en pipol and E go shange en plan about en savant; wen E si sey dia pawa don vanish and nobody remain again, weda na slave or free pesin.

Filippians 1:8

God know sey, bikos of Christ love wey dey my heart, I dey miss una well-well.

Judges 10:16

So dem skata all dia yeye gods kon bigin woship God; den God kon sorry for Israel pipol, bikos of dia sofa.