Jeremaya 3:21 - Holy Bible Nigerian Pidgin English

²¹ “I dey hear one nois on-top di hill: Na Israel pipol dey kry and beg dia juju. True-true, dem dey stay inside sin and don forget di Oga wey bi dia God.

Jeremaya 3:21 ပူးပေါင်းရင်းမြစ်များ

Job 33:27

Di pesin go sing give odas sey, ‘I sin kon do wetin dey bad, but God nor ponish mi as e suppose to bi.’

Proverbs 10:9

Pipol wey dey tok trut dey save and sikure, but wayo pipol dey waka enter trobol.

Proverbs 19:3

Wen pesin distroy ensef with di stupid tins wey e do, e go kon blame God.

Isaya 15:2

Den Dibon pipol go klimb di hill go kry for dia shrine bikos of wetin happen to Nebo and Medeba town. Moab pipol go kry well-well. Evribody go barber bololo kon shave dia bear-bear.

Isaya 17:10

Israel pipol don forget di God wey save and protet dem like big rock. And naw, dem plant betta flowers and vines kon dey woship dem.

Isaya 57:11

God sey, “Who bi all dis gods wey make una dey fear and lie for mi? Wey make una forget mi like dis? Una don stop to honor mi, bikos I don too kwayet?

Jeremaya 12:12

Pipol don tif all di tins wey dey di land. I send sojas go distroy di land and nobody for der go get peace.

Jeremaya 13:25

E sey dis na wetin go happen to una, bikos una forget am kon trust lie-lie gods.

Jeremaya 18:15

But my pipol don forget mi, dem dey burn incense give juju and na dis make dem fall komot for di way wey dem suppose follow. Dem nor dey follow di road wey I show dem, instead dem dey follow di road wey nor smooth at-all.

Jeremaya 2:32

Yong woman dey forget to wear en gold ring? Abi woman wey won marry, dey forget to wear en marriage klot? But e don tey wey my pipol don forget mi.

Jeremaya 3:2

Make una look on-top di hills and una go si sey e nor get anywhere wey una neva do ashawo! Una sidan for road dey wait men, just as Arab pipol dey wait for dia enemies for desert. And naw, una don spoil di land with una ashawo and wiked life.

Jeremaya 31:9

As I dey lead dem kom back, dem go dey kry, beg and pray make I forgive dem. I go guide dem pass where wota dey kon take dem pass strait road where dem nor go kick stone fall. I go do am, bikos na mi bi Israel papa and Efraim na my first-born.’ ”

Jeremaya 7:29

So, Jerusalem pipol! Make una mourn and kut una hair. Make una sing burial song on-top evry hill, bikos God sey, ‘I go rijet and forget dis pipol, bikos dem don make mi vex.’ ”

Ezekiel 23:35

Naw, dis na wetin God wey get pawa dey tok: “Bikos yu forget and turn from mi, yu go sofa for yor ashawo life.”

Ezekiel 7:16

Some of dem go run go di mountin like doves wey run from valley. All of dem go kry, bikos of dia sins.

Hosea 13:6

But naw wen una enter betta land, una don dey okay; dey karry body up kon forget mi.

Hosea 8:14

Israel pipol build royal palis, but dem don forget who kreate dem. Judah pipol don build many strong town, but I go send fire go burn dia palis and di towns rish groun.”

Mikah 3:9

Una wey bi leaders for Israel, make una listin to mi! Una hate to judge well and dey shange evritin wey dey rite.

Nombas 22:32

God angel kon tell am, “Wetin make yu beat dis donkey three times? Si, I kom here kon stop yu, bikos wetin yu dey do, I nor like am.

2 Korintians 7:10

Bikos wen God make pipol sorry for di sin wey dem kommit, dem go turn kom meet am, den God go save dem and dem nor go regret again. But di vexnashon wey dis world dey bring, na deat dey end am.