Jeremaya 24:7 - Holy Bible Nigerian Pidgin English

⁷ I go let dem know sey na mi bi God. Den, dem go bi my pipol and I go bi dia God, bikos dem go kom back kon serve mi with all dia heart.

Jeremaya 24:7 ပူးပေါင်းရင်းမြစ်များ

2 Kronikles 6:38

Wen dem turn kom meet Yu with all dia heart and mind for di land where dem for dey sofa kon dey pray as dem face dis land wey Yu give dia grand-grand papa and di town wey Yu choose with di temple wey I build to honor Yu,

Psalms 119:2

Pipol wey dey follow en rules kon find am with all dia heart, make una si as dia blessing many rish.

Isaya 51:16

I stresh heaven kon make di eart foundashon! I tell Jerusalem, ‘Una bi my pipol! I don tish and protet una with my hand.’ ”

Jeremaya 11:4

Wen I take Israel, my pipol komot from Egypt where di land bi like fire for dia body, na der I for make kovenant with dem. I tell dem make dem obey and do evritin wey I kommand. I still sey, if dem obey mi, dem go bi my pipol and I go bi dia God.

Jeremaya 29:10

“God sey, ‘Wen di seventy years wey I give Babilon don finish, I go kare and bring una kom back to una land, just as I promise.

Jeremaya 3:10

Even with all dis tins, Israel sista wey bi Judah nor gri turn kom meet mi with all dia heart, but dem just dey pritend.” Oga God don tok.

Jeremaya 30:22

Dem go bi my pipol and I go bi dia God. Mi, wey bi God, don tok.”

Jeremaya 7:23

But I kommand dem sey, ‘Make una obey mi and if una obey mi, I go bi una God and una go bi my pipol. Make una live una life as I tell una and evritin go betta for una.’

Ezekiel 11:17

“So, make yu tell dem wetin mi wey bi God dey tok. I go gada dem kom back from di land where I skata dem go kon give dem Israel land again.

Ezekiel 14:11

I go do like dis, so dat Israel pipol go obey and dem nor go turn from mi. Dem suppose bi my pipol and I go bi dia God.” God wey get pawa don tok.

Ezekiel 16:62

I go renew my kovenant with yu and yu go know sey na mi bi God.

Ezekiel 37:23

Dem nor go spoil dia body with juju or anytin wey go make dem dirty or sin again. God go free dem from evritin wey dey make dem sin. E go klean dem; dem go bi en pipol and E go bi dia God.’

Ezekiel 37:27

I go stay der with dem; I go bi dia God and dem go bi my pipol.

Ezekiel 39:22

Den from dat day go, Israel pipol go know sey na mi bi di Oga wey bi dia God.

Hosea 2:22

I go make rain fall and korn, grape and olive fruit go grow for di land.

Zekaraya 13:9

I go test di third part wey survive kon klean dem, just as dem dey klean silva for fire. I go test dem, just as dem dey test gold. Den dem go pray give mi and I go ansa dem. I go tell dem sey dem bi my pipol and dem go sey, ‘Na di Oga bi awa God.’ ”

Zekaraya 8:8

I go bring una kom back to una house and una go get peace for Jerusalem. Una go bi my pipol and I go bi una God wey go rule and judge una well.”

Romans 6:17

But wi tank God sey, even doh una bi slave to sin before, una don use una heart dey obey all di tins wey wi dey tish una.

Hibru 11:16

But as tins bi so, dem dey espect kountry wey betta pass dia own and e dey kom from heaven. Naim make God nor shame wen dem dey koll am dia God, bikos E don build big town for dem.

Hibru 8:10

But naw, “Dis na my new kovenant (wey bi di new agriment): Di time dey kom wen I go put my laws for dia mout and rite am for dia heart. I go bi dia God and dem go bi my pipol.

1 Samuel 7:3

Samuel kon tell Israel pipol, “If una don really turn from sin kom meet God with all una heart, make una remove all di small-small Ashtoret gods wey una get. Make una give una heart to God kon serve only en. Den E go save una from Filistia pipol pawa.”