Jeremaya 23:11 - Holy Bible Nigerian Pidgin English

¹¹ God sey, “Di profets and priests nor know mi; I katch dem dey do wiked tins for my temple.

Jeremaya 23:11 ပူးပေါင်းရင်းမြစ်များ

2 Kronikles 33:5

For di two kourtyard for God Temple, e build altars for all di stars for di sky.

2 Kronikles 33:7

Di juju image wey e make, e put am for God Temple, di place wey God tell David and Solomon en pikin sey, “Dis temple for Jerusalem, na-im I don choose among Israel land, as my house forever.

2 Kronikles 36:14

All di priests and leaders nor kon dey faithful again and dem kon dey kommit bad-bad sins wey all di oda nashon dey kommit. Dem nor kon make God temple for Jerusalem holy again.

Ezra 10:18

Dis na di names of di men wey marry wimen from anoda kountry: From di priests akordin to dia family: From Jeshua and en brodas Jehozadak family: Maaseaya, Elieza, Jarib and Gedalaya.

Jeremaya 11:15

God tell Judah pipol, “Di pipol wey I love dey do wiked tins, so wish rite una get wey make una dey kom my temple? Una tink sey una fit offa sakrifice to stop all di bad tins wey una don do? Una dey happy to do wiked tins even wen una dey offa di sakrifice.

Jeremaya 23:15

So, dis na wetin mi wey bi God dey tok about Jerusalem profets: ‘I go give dem bitter food chop kon give dem wota wey dem poizin, drink, bikos dem don spread sin for di whole land.’ ”

Jeremaya 32:34

Dem even go put dia yeye juju for di temple wey dem build to woship mi and naw, dem don make am dirty.

Jeremaya 5:31

Di profet dem dey lie; di priests dey rule as dem like and my pipol like am like dat. But di day wey wahala and distroshon go start, na where dem go run go for help?

Jeremaya 50:6

My pipol bi like sheep wey waka lost. Who dey guide dem don make dem lost. Dem dey waka anyhow for di mountins; dey from one hill go anoda. Dem don forget dia place where rest dey.

Jeremaya 6:13

Bikos both rish and poor pipol dey make money with wayo. Even profets and priests join dem dey deceive pipol too.

Jeremaya 7:30

God sey, “I don rijet Judah pipol, bikos of di wiked tins wey dem do. Dia juju wey I hate, dem put am for my temple kon make di temple dirty.

Jeremaya 8:10

So, I go give dia wifes to oda men kon give dia farm to oda pipol. I go do am, bikos both rish and poor pipol dey use wayo take dey get dia money. Even profets and priests don join dey deceive pipol too.

Lamentashons 2:20

Si, Oga God! Why Yu dey ponish us like dis? Make wimen chop dia shidren wey dem love? Or make dem kill priests and profets for inside God temple, bikos of sofa?

Ezekiel 23:39

Di day wey dem sakrifice my shidren give juju, na dat day dem still dirty my temple!

Ezekiel 44:10

God tell mi, “I dey ponish Levi tribes wey join Israel pipol sin kon still woship juju.

Ezekiel 7:20

Before-before, dem dey make yanga with dia fine-fine tins kon take di tins do juju. So na bikos of dis, God make dia money and propaty dey yuzles.

Ezekiel 8:11

Seventy Israel leaders dey der, plus Jaazanaya wey bi Shafan pikin. Each of dem whole wetin dem take dey burn incense and smoke dey kom out from am.

Ezekiel 8:16

So E take mi go inside di kourtyard for di temple. Near di Holy Place gate wey dey near di altar and di varanda, twenty-five men dey der. Dem back di Holy Place kon dey bow face di east, dey woship di sun as e dey raiz.

Zefanaya 3:3

En leaders bi like hongry lion wey dey look for who dem go chop. Dem dey hongry like wolf for desert wey dey chop dia food finish for morning.

Zefanaya 3:4

En profets sturbon and dem dey lie; dey tok only wetin go give dem money. En priests nor gri obey God kommand, so dem don spoil and make di temple dirty with di bad tins wey dem dey do.