Jeremaya 22:14 - Holy Bible Nigerian Pidgin English

¹⁴ E go bad for di king wey sey, ‘I go build big house for mysef; di room for up go get betta space.’ So e put windows for di house, use cedar wood take dekorate am kon paint am with red kolour.

Jeremaya 22:14 ပူးပေါင်းရင်းမြစ်များ

2 Samuel 7:2

One day, e koll Profet Natan kon sey, “I dey stay dis house wey dem build with cedar, but God Kovenant Box, dey for tent!”

2 Kronikles 3:5

E make di main hall with board wey dem make from evagreen trees; design am with fine gold kon dekorate am with palm trees and shains.

Proverbs 17:19

Pesin wey like to dey kworel, like trobol and If yu always dey karry body up, den yu dey kause wahala for yorsef.

Proverbs 24:27

Before yu build yor house, make sure sey yu don prepare and ready yor farm for work.

Song of Songs 1:17

and na cedar wi go take design awa house kon build di roof with Cypress tree.

Isaya 9:9

Israel and Samaria pipol wey get pride and sturbones go know kon sey,

Ezekiel 23:14

Dis one ashawo kon worse well-well. E even won sleep with di ofisas image wey dem karve for wall wey bi; Kaldea image wey dem karve; paint with red

Daniel 4:30

E kon sey: “Dis nor bi di great Babilon wey bi di royal town wey I build by mysef to show my pawa, strent, glory and honor?”

Amos 6:8

Oga God wey get pawa don warn una well-well sey, “I hate as Israel pipol proud rish; I hate di strong and big-big house wey dem get. I go give dia main town and evritin wey dey inside, to dia enemies.

Haggai 1:4

“My pipol, e good as una dey stay for fine-fine house and my temple skata?”

Malakai 1:4

Esau shidren-shidren wey bi Edom fit sey, “Even doh awa towns don skata finish, wi go build dem again.” But God wey dey lead heaven sojas ansa, “Make una go ribuild dem, but I go still skata dem and pipol go koll una kountry, ‘Di Land wey Wikedness Full’ and dem go koll una pipol, ‘Di pipol wey Oga God go always dey vex with.’ ”