Jeremaya 2:17 - Holy Bible Nigerian Pidgin English

¹⁷ But na Israel pipol kause all dis tins, bikos dem leave di Oga wey bi dia God, even wen E dey show dem di korrect road.

Jeremaya 2:17 ပူးပေါင်းရင်းမြစ်များ

1 Kronikles 28:9

Den e tell Solomon, “My pikin, I kommand yu sey make yu know yor papa God and make yu use all yor mind and heart take serve am. E know all wetin wi dey tink and wetin wi wont. If yu go meet am, E go take yu, but if yu turn from am, E go abandon yu forever.

2 Kronikles 15:2

E go meet King Asa kon tell am, “King Asa, Judah and Benjamin tribe, make una listin to mi! As long as una dey obey God, E go always dey with una. If una koll am, E go ansa una, but if una rijet am, E go rijet una too.

Job 34:27

bikos dem don stop to follow en laws and kommand.

Job 4:8

But I don si and know sey, pesin wey plan bad and evil tins, go use en head karry am.

Psalms 107:7

E take dem go where dem go for dey save; di town where dem go stay.

Psalms 136:16

Na God lead en pipol pass di wildaness, bikos en love wey nor dey fail dey forever.

Psalms 77:20

Den Yu use Moses and Aaron take lead and guide yor pipol like many sheep.

Proverbs 15:10

Anybody wey nor gri do wetin dey rite, go sofa well-well and anybody wey nor like korreshon, go die.

Isaya 1:4

Una own don finish like who don die, bikos una pipol dey kommit sin. Una don spoil finish and dey do evil tins! Una sins dey bring una down, bikos una don rijet di Holy Pesin, wey bi Israel God kon turn against am.

Isaya 59:13

Wi don fight, rijet and refuse to follow Yu. Wi opress odas kon turn from Yu. All wetin wi dey tok and tink, na lie dem bi.

Jeremaya 13:22

And wen una ask, “Wetin make all dis tins dey happen to us? Why dem tear awa klot komot from awa body kon trit us like ashawo? Na bikos of sin?” Yes! Na bikos una don sin.

Jeremaya 19:4

I go do am, bikos di pipol don forget mi kon dirty dis place as dem dey sakrifice give gods wey dem or dia grand-grand papa or Judah kings nor know and dem kill innocent pipol for here too.

Jeremaya 2:13

bikos my pipol don kommit two difren sin against mi: dem don leave mi wey bi di spring wey dey give dem fresh wota and dem dig one well for diasef wey nor fit keep and gada wota.

Jeremaya 2:19

Na di wiked tins wey una do go ponish and kondemn una, bikos una turn from mi. So, una go learn as e betta and wiked rish nor to dey fear mi or forget mi wey bi di Oga una God.” Mi, wey bi God, don tok.

Jeremaya 4:18

Judah, na una kause dis wahala, bikos una dey live yeye life kon dey do bad tins. Na una sin kause dis sofa and e go pain una enter una heart.

Jeremaya 44:3

bikos dem sin kon make mi vex. Dem offa sakrifice kon dey serve oda gods wey dem or yu or dia grand-grand papa nor ever woship.

Jeremaya 5:25

But, una sin don make mi stop to dey give una all dis good tins.

Ezekiel 39:24

I give dem wetin dem ask for and bikos of dia sin and wikedness, I waka leave dem.”

Hosea 13:9

Israel pipol, mi wey bi una only helpa go soon distroy una.

Mikah 1:5

All dis tins go happen bikos of Israel pipol sturbones and sin. Una ask sey, “Na how wi take sturbon? Na who dem go blame for Israel pipol sturbones?” Nor bi Samaria wey bi di main town! “Where di place wey dem for dey serve juju?” Na Jerusalem dem dey!

Nombas 32:23

“But if una nor do wetin una promise, I dey warn una, bikos na sin una don kommit against God bi dat. Make una nor konfuse unasef; bikos una go must get di ponishment for una sin.

Deutronomi 32:10

Na empty dirty land for wildaness E for si dem. E dey look and guide dem for evry korna; E dey guide dem as pipol wey E love well-well.

Deutronomi 32:19

So wen God si all dis tins, E vex bikos en shidren dey disobey am.