Jeremaya 16:4 - Holy Bible Nigerian Pidgin English

⁴ Na wiked diziz go kill dem and nobody go mourn or beri dem. Dia dead body go full groun like manure. Na war and honga go kill dem, den bird and wiked animals go chop dia dead body.

Jeremaya 16:4 ပူးပေါင်းရင်းမြစ်များ

2 Kings 9:10

Dogs go chop Jezebel for Jezrel land and nobody go beri am.’ ” Den di yong profet kon kwik-kwik komot der.

Psalms 78:64

Dem kill dia priests and wimen wey dia husband don die, nor fit mourn for dem.

Psalms 83:10

Dem die for Endor and dia body kon make di grass grow well.

Isaya 18:6

Dem go leave all di dead body for groun, so dat birds and wild animals go chop dem. Birds go chop dem for dry sizin and wild animals go chop dem for rainin sizin.”

Isaya 5:25

God dey vex for en pipol and E don ready to ponish dem. Mountins go shake and pipol wey die, dem go leave dia dead body for street like dirty. God vexnashon nor go end for der, but E go still ponish dem.

Jeremaya 19:7

Na for der I go for skata di plan wey Judah and Jerusalem pipol dey plan. I go make dia enemies win kon kill dem for war and birds with wiked animals go chop dia dead body.

Jeremaya 21:6

I go kill evribody for dis land. Na bad diziz I go take kill both di pipol and dia animals.

Jeremaya 25:33

For dat day, di pipol wey God kill, dia body go skata for difren part for di world. Nobody go mourn for dem and nobody go karry dem go beri. Dem go dey groun like manure wey dem gada.

Jeremaya 34:17

“Naw, mi wey bi God sey, ‘Una don disobey mi; una nor gri free una brodas and sistas. Since na like dat, I go free una so dat war, honga and diziz, go kill una. I go make evry nashon for di world fear for wetin I go do to una.

Jeremaya 34:20

I go make dia enemies katch and kill dem, den birds and wiked animals go chop dia dead body.

Jeremaya 36:30

But naw, mi wey bi God dey tell yu, King Jehoiakim sey, ‘Yor shidren and shidren-shidren nor go ever rule for David throne. Dem go trow yor dead body for under sun and kold go make am block for nite.

Jeremaya 44:12

Den, Judah pipol wey remain, wey don make up dia mind sey dem won go Egypt, I go make sure sey, dem distroy dem finish. Both big and small go die for Egypt; weda na for war or honga. Pipol go si dem dey fear and dem go trit dem anyhow kon use dia name as curse.

Jeremaya 44:27

I go make sure sey, una nor prosper and dem go distroy una finish. Diziz and war go kill una, until nobody go remain again.

Jeremaya 7:33

Den dis wiked pipol dead body go dey for groun and birds with wild animals go chop am. Nobody go remain for der to porshu di animals.

Jeremaya 9:22

Make una tell una dotas and neighbours wetin God tok: “Dead body go full evriwhere like manure wey dem skata for farm or korn wey dem gada for groun.”

Lamentashons 4:9

Pipol wey die for war, betta pass doz wey hongry kill, bikos na food wey dem nor si chop, kill dem.

Ezekiel 24:21

I tell Israel pipol dis message: ‘Una dey happy, bikos of una temple. Una like to dey look and go der, but I go distroy am and di small-small pipol wey una get for Jerusalem go die for war.’

Ezekiel 5:12

Some of una go die bikos of honga; sickness go kill some; swod go kill anoda set for outside di town and di remain wons, I go skata dem for air kon porshu dem with my swod.

Zefanaya 1:17

Bikos una don sin against God, I go make una waka dey find road like blind man. Dem go pour una blood for san-san and una body go rotin for groun.”

Deutronomi 28:22

God go kill una with bad diziz, fever, sore, kro-kro and kold. Dis diziz go attack una until una die finish.

Deutronomi 28:26

Una dead body go bi food for di birds for sky and for wiked animal for di eart and nobody go fit porshu dem.