Jeremaya 11:14 - Holy Bible Nigerian Pidgin English

¹⁴ So, Jeremaya my profet! Make yu nor pray or beg mi bikos of dis pipol. Wen dem dey trobol, make dem nor koll mi for help, bikos I nor go listin to dem.”

Jeremaya 11:14 ပူးပေါင်းရင်းမြစ်များ

Psalms 66:18

If I gada sin for my heart, God nor go ansa or listin to mi.

Exodus 32:10

Naw, make yu leave mi, so dat as I dey vex, I go distroy all of dem and I go make anoda great nashon from yu.”

Jeremaya 11:11

So, mi wey bi God sey: ‘I go soon distroy dem and dem nor go fit eskape. I nor go listin to dem wen dem kry kom meet mi for help.’

Jeremaya 14:11

God tell mi, “Nor beg mi sey, make I help dis pipol.

Jeremaya 14:12

Even if dem fast, I nor go listin to dia kry for help and if dem offa burnt and korn ofrin, I nor go asept am. Instead I go kill dem for war and with diziz and honga.”

Jeremaya 15:1

Den God tell mi, “Even if Moses and Samuel stand here dey beg for dis pipol, I nor go listin or sorry for dem. So make yu take dem komot for my front kon tell dem make dem dey go!

Jeremaya 7:16

Den God tell mi, “Jeremaya! Make yu nor pray for dis pipol. Make yu nor kry or pray give mi bikos of dem! Nor beg make I save dem, bikos I nor go listin to yu.

Hosea 5:6

Even wen dem kom sakrifice animals give God make E for favor dem, dem nor si am bikos E don turn from dem.

Zekaraya 7:13

“Bikos dem nor gri listin wen I tok to dem, na so too I nor go listin anytime wey dem pray to mi.

Malakai 2:13

Dis na anoda tin wey una dey do: Una go kry until una tear go full God altar, bikos E nor asept di sakrifice wey una bring kon gi-am.

1 John 5:16

If anybody si en broda or sista for Christ dey kommit sin wey nor go kill-am, make e ask God and God go give life to dat pesin. E get di kind sin wey dey kause deat and I nor sey make una pray make God forgive di pesin wey dey kommit dat kind sin.