Jeremaya 10:12 - Holy Bible Nigerian Pidgin English

¹² Na God make di eart with en pawa; na-im wisdom and undastandin E take kreate di heavens and eart.

Jeremaya 10:12 ပူးပေါင်းရင်းမြစ်များ

Jenesis 1:1

Wen di world just start, na God kreate di heaven and di eart.

Jenesis 2:5

For dis time, nor-tin don ever grow for di eart, bikos Oga God neva let rain fall and nobody dey wey go klear di groun or plant put.

1 Kronikles 16:26

Di gods for oda towns nor mean anytin, but na God make di heavens.

Job 26:7

God spread di sky for nort kon hang di eart for empty space.

Job 37:18

yu fit help God bring di sky kom out kon make am strong like iron wey dem polish?

Job 9:8

Na only en make di heavens kon waka on-top wave for sea.

Psalms 104:2

Yor dress dey shine like lite and Yu stresh di sky like curtain for heaven;

Psalms 104:24

So my God, make Yu si all di difren tins wey Yu don do! Na sense Yu take make all of dem. Na wetin Yu kreate full di whole eart.

Psalms 119:90

Yu dey good to all generashon and na as Yu kreate di eart, e still dey kon rish naw.

Psalms 24:2

E build di eart foundashon on-top sea kon make am stand on-top wota.

Psalms 33:6

Na with di word wey God tok, E take kreate di heavens. E breath en word and all di stars for heaven, appear.

Psalms 65:7

Yu make di rof sea kwayet kon silent di nashons wey dey kause trobol.

Psalms 78:69

E build temple wey high like heaven kon strong like di eart, den E put am for der.

Psalms 93:1

God na king and en glory wey dey shine well-well, kover evriwhere. True-true, God don kover ensef with glory, strent and pawa. Di world stand gidigba and nor-tin fit shake am.

Proverbs 3:19

God kreate di eart with en wisdom and na en undastandin E take make di heavens.

Proverbs 30:4

Who don go heaven kom back? Who don ever katch breeze for en hand or wrap wota for klot? Who kreate di whole world? Na who e bi and na wetin bi en pikin name? Make yu tell mi, if yu know!

Isaya 37:16

“Israel God wey get pawa; di Pesin wey sidan for where high pass di creatures wey get feadas. Na only Yu bi God wey dey rule all di kingdoms for dis world. Na Yu kreate di eart and di sky.

Isaya 40:22

Na di Pesin wey sidan for di throne, make am. Di One wey dey on-top di eart and high pass di sky. Pipol for groun, small like ants for en eye. E dey stresh di sky like curtain; like tent where pipol dey stay.

Isaya 42:5

God wey kreate heaven kon stresh am out, wey make di eart and evribody wey dey inside, di Pesin wey give life to di pipol wey dey di eart and spirit to doz wey dey waka inside sey,

Isaya 44:24

Dis na wetin God wey save una, di Pesin wey form una for una mama belle dey tok: “Na mi bi God wey kreate evritin. Na only mi stresh di heavens kom out kon design di eart as I wont.

Isaya 45:12

Na mi bi di Pesin wey kreate di eart and na mi kreate di pipol wey dey stay inside. Na my pawa I take stresh di heavens out kon kontrol di sun, moon and di stars.

Isaya 45:18

God wey kreate di heavens and di eart sey, na-im still bi God! Na mi kreate di eart well and I nor kreate am to dey empty, but na for pipol to stay. E sey, “Na mi bi God and e nor get anoda one.

Isaya 48:13

Na my own hand I take make di eart foundashon kon spread di heavens with my rite hand and wen I koll dem, all of dem dey stand kom togeda.

Isaya 49:8

God tell en pipol sey, “Wen di time don rish to save una, I go favor and ansa una wen una kry for help. I go guide and protet una kon make kovenant with evribody thru una. Una land wey skata and wey dirty bin full, I go klean am kon make una stay der again.

Jeremaya 10:13

Wen E kommand, en vois dey sound like tonda and di wota for heaven go make nois like lion vois. E dey make kloud kom out from where di eart for end. E dey bring tonda lite wen rain dey fall and E dey make breeze blow kom from where E keep dem put.

Jeremaya 10:16

Jakob God nor bi like dem; na-im kreate evritin and E don choose Israel as en own pipol. En name na God wey dey mighty.”

Jeremaya 14:22

Just as no one among di juju for dis nashon fit bring rain, na so too di sky nor fit make rain fall by ensef. So wi don put awa hope for yor hand. Na Yu bi awa God, bikos na only Yu fit do all dis tins.”

Jeremaya 27:5

“Na with my mighty pawa and great strent I take kreate di eart, di pipol and di animals wey dey inside and I don give dis pawa to pipol wey I like gi-am to.

Jeremaya 32:17

‘My Oga God! Na Yu kreate heaven and eart with yor mighty pawa and great strent. Nor-tin dey hard for Yu to do!

Zekaraya 12:1

Dis na God message about Israel. Na God kreate di sky and di eart kon give life to man. God sey,

John 1:3

Na God make evritin and if to sey E nor make dem, dem nor for dey dis world at-all.

Kolossians 1:16

Bikos God kreate evritin for heaven and eart thru en pikin; both Fisical and spiritual tins; weda dem get pawa or dey rule for difren-difren place; God kreate dem thru am and E kreate dem for am.