Jenesis 6:7 - Holy Bible Nigerian Pidgin English

⁷ So Oga God sey, “I go distroy human being wey I kreate komot for dis eart; plus evritin, from human being go rish animals, join di ones wey dey creep for groun and di birds for di sky, bikos I dey vex sey I kreate dem.”

Jenesis 6:7 ပူးပေါင်းရင်းမြစ်များ

Jenesis 6:6

Oga God regret sey E make human being for dis eart and E kon dey vex.

Jenesis 7:21

And evritin wey get life for di eart kon die: di bird for sky, animals, both di ones for house and wiked ones; evritin wey dey di eart and all human being.

Jenesis 7:4

Bikos seven days from naw, I go send rain kom di eart for forty days and forty nite kon kill evritin wey get life wey I kreate.”

Jenesis 8:21

Di ofrin smell kon make belle sweet God, so E tell ensef, “I nor go ever curse di eart again, bikos of wetin human being do; even doh I know sey since wen I kreate dem, na only bad tins dem dey tink. I nor go ever distroy evritin wey get life as I don do so.

Psalms 37:20

But wiked pipol go die, bikos God enemies bi like flower for field wey go soon vanish like smoke.

Proverbs 10:27

Obey God and yu go get long life; bikos wiked pipol dey die before dia time.

Proverbs 16:4

Evritin wey God kreate get en purpose; but na wahala, wiked pipol go get.

Isaya 27:11

Di pipol bi like trees branches wey don dry and skata for groun; wey wimen dey gada take do firewood. So, bikos di pipol nor undastand anytin, God wey kreate dem nor go sorry or pity for dem.

Hosea 4:3

So di land go mourn, bikos evritin wey dey inside, go die. All di animals, birds and even fish, go die too.”

Amos 7:3

So God shange en mind kon sey, “Wetin yu si, nor go happen again.”

Amos 7:6

So God shange en mind again kon sey, “Dis one nor go happen too.”

Zefanaya 1:18

Una gold and silva nor go save una wen God go show as E dey vex rish. En jealousy bi like fire and di fire go distroy di world. Yes, na God make evribody for di world dey fear.

Zefanaya 1:2

God sey, “I go swip evritin komot from dis eart.

Zefanaya 1:3

I go swip both pipol and animals. I go distroy di birds for di sky and di fish for sea. I go turn wiked pipol place to where dem dey trowey dirty put kon distroy human being komot from dis eart.

Deutronomi 28:63

Just as e sweet God to prosper and make una plenty, na so too God go dey happy to distroy una. “E go remove una from di land wey una won enter go stay,

Deutronomi 29:20

God nor dey ready to forgive dat pesin. Instead, God vexnashon and jealousy go raiz for di pesin and all di curse wey dey dis book go bi en own.

1 Samuel 15:11

“I dey regret sey I make Saul king, bikos e don turn from mi and e nor do wetin I sey make e do.” Samuel kon vex well-well and e pray to God till day break.