Jenesis 47:6 - Holy Bible Nigerian Pidgin English

⁶ Egypt dey yor hand, so make yu do as yu like to yor papa and brodas. Dem fit stay for Goshen and if yu know any strong one among dem, yu fit gi-am my animals make e guide dem.”

Jenesis 47:6 ပူးပေါင်းရင်းမြစ်များ

Jenesis 13:10

Lot look well-well from Jordan River aria go rish Zoar. E kon know sey evriwhere for der get betta green plant and dem get betta wota like Oga God gardin for Egypt. (Dis na before God distroy Sodom and Gomorrah.)

Jenesis 13:9

So make wi separate. Choose any part for di land wey yu wont. Make yu go one side, while I go-go di oda side.”

Jenesis 20:15

Den di king sey, “Si, na my land bi all dis place wey yu dey si so, make una choose anywhere una like to stay.”

Jenesis 34:10

Una go dey stay with us and una fit enter dis land wen ever una wont. Make una stay and sell for here kon get propaty for here too.”

Jenesis 45:10

Una go dey for Goshen land and una go dey near mi; both una, una shidren, una grand-shidren, una animals and plants and evritin wey una get.

Jenesis 46:34

Den make una tell am sey, ‘Yor savants dey kare for animals since wi bi small pikin kon rish naw, both wi and awa papa.’ Make una tok like dat, so dat una go fit stay for Goshen land, bikos Egypt pipol nor like pipol wey dey kare for animals.”

Jenesis 47:11

So Josef make en papa and brodas setol down. E give dem one aria for Egypt, di best aria for di land; wey bi Rameses land, just as Fero tok.

Jenesis 47:16

Den Josef sey, “If una money don finish, make una bring una animals kon give mi and I go give una food.”

Jenesis 47:4

Den dem tell Fero, “Wi just won stay for dis land for sometaim. Wi nor get food for awa animals, bikos of di honga for di whole Kanaan. So wi beg, make yu let wi yor savant stay for Goshen.”

Jenesis 47:5

So Fero tell Josef, “Na yu yor papa and brodas kom meet.

1 Kings 11:28

Jeroboam na very strong yong man, so wen King Solomon si as e dey work well-well, e kon sey make e look ova di pipol wey dey work for Manasseh and Efraim tribe aria.

2 Kronikles 26:10

E still build towas wey e fence; dig many well for di desert, bikos e get many animals for di hills and plain land. E get pipol wey dey work for am for en farm, vineyard, di hills and for Mount Karmel, bikos e like farm work well-well.

Exodus 18:21

But make yu choose good men from di pipol. Men wey dey fear God; dey tok true; doz wey nor dey play wayo kon make dem rulers ova di pipol. Some fit rule tazons, odas hundred, some fifty, while some go rule ten.

Exodus 18:25

Moses choose men wey fit do di work among Israel pipol kon make dem oga ova di pipol. Some dey rule tazons, odas hundred, some fifty and some ten.

Exodus 9:10

So dem gada di ashes from di firewood kon stand for Fero front. Den Moses blow di ashes for air and e kon turn to boil for both Egypt pipol and dia animals body.

Exodus 9:21

But di rest ones wey nor bilive Oga God word kon leave dia savant and kattles for outside.

Proverbs 21:1

Evry king heart dey God hand; just as E dey show river how e go take flow, na so too E dey kontrol kings mind.

Proverbs 22:29

Yu don si pesin wey get good work? E dey-dey with kings and nor bi with yeye pipol.

Jeremaya 40:4

But naw, I dey take di shain komot from yor hand kon free yu. If yu like follow mi go Babilon, no problem! I go kare for yu for der. But if yu nor won go, yu fit choose anywhere wey yu wont, den make yu go der.”

John 17:2

Just as yu don give mi pawa ova all di pipol for di world, na so too I go give life wey nor dey end to evribody wey yu give mi.

1 Samuel 21:7

One of Saul savant dey der dat day, bikos e nid to do some tins wey God tell am. En name na Doeg wey kom from Edom and na en dey kare for Saul animals.