Jenesis 44:16 - Holy Bible Nigerian Pidgin English

¹⁶ Judah ansa, “My oga, wetin wi go fit tell yu? Wetin wi go fit tok? How wi go fit take free awasef? God don espose awa sin! My oga, wi don bi yor savant, wi and di pesin wey dem si di cup for en sak.”

Jenesis 44:16 ပူးပေါင်းရင်းမြစ်များ

Jenesis 37:7

E get many korn for di field centre. At wons my korn stand up for di centre and una korn kon bow down for am!”

Jenesis 37:9

Den, Josef dream anoda dream kon tell en brodas. “Make una si, I dream anoda dream. For dis dream, di sun, di moon and eleven stars kon bow down for mi.”

Jenesis 44:17

But Josef tell dem, “I nor go fit do dat tin! Di man wey dem for si di cup for en hand go bi my savant and di rest of una fit go meet una papa with peace.”

Jenesis 44:32

True-true, yor savant kon tell en papa sey, ‘If I nor bring di boy kom back, den for di rest of my life, I go dey bear di blame.’

Jenesis 44:9

If any of us tif am, e go die and di remainin of us go bi awa oga savant!”

1 Kings 17:18

Di woman go meet Profet Elijah kon sey, “God savant, why yu do mi dis kind tin? Yu kom here kon make God remember my sins, den kill my pikin?”

Ezra 9:10

But naw, awa God, wetin wi fit tok afta evritin wey don happen? Wi don disobey di kommand

Ezra 9:15

Awa Oga wey bi Israel God, Yu dey good. Wi, yor savants wey remain, kom meet Yu and wi dey konfess awa sins. Aldo wi nor get any rite to kom yor present again afta evritin wey wi don do.”

Job 40:4

“True-true, I dey tok like fool since, wetin I go fit ansa? I nor go try tok anytin again.

Proverbs 17:15

God nor like pipol wey dey defend wiked pipol and kondemn doz wey dey innocent.

Proverbs 28:17

Pesin wey kill anoda pesin dey kwik-kwik dig en own grave, so make yu nor try to stop am.

Isaya 27:9

So like dis, God go forgive Jakob shidren and na like dat dem go take show sey dem nor go sin again. Dem go skata all di stone for dia juju altars kon distroy Asherah juju and all di incense altars.

Isaya 5:3

So, my love sey, “Jerusalem and Judah pipol, make una judge between mi and my vineyard.

Daniel 9:7

“Awa God! Na only Yu dey do wetin dey rite, but dem dey disgrace us evriday, bikos Judah, Jerusalem and all di pipol wey Yu skata go evriwhere, nor gri listin to Yu.

Nombas 32:23

“But if una nor do wetin una promise, I dey warn una, bikos na sin una don kommit against God bi dat. Make una nor konfuse unasef; bikos una go must get di ponishment for una sin.

Matiu 7:2

Bikos as una dey judge, na so God go take judge una. And as una dey do to oda pipol, na so dem go do una too.

Luke 12:2

Anytin wey pipol hide naw, go kom out for publik and anytin wey dey sekret naw, God go bring am out.

Acts 2:37

Wen di pipol hear dis prishin, e trobol dem for mind well-well and dem kon ask Pita and di rest apostles, “Awa brodas, wetin wi go do naw?”

Deutronomi 25:1

If two pipol kworel kon go kourt and di judge sey one dey rite and di oda one dey wrong.

Joshua 7:1

Israel pipol disobey wetin dem tell dem about di tins wey dey Jeriko. Akan wey bi Karmi pikin, wey Zabdi born, wey Zera born from Judah tribe, kon tif some tins from Jeriko, so God kon dey vex for Israel pipol.

Joshua 7:18

Joshua sey make Zabdi Family kom man by man and God kon choose Akan wey en papa na Karmi and Karmi papa na Zabdi wey bi Zera pikin and Zera kom from Judah tribe wey God choose.

Judges 1:7

So Adoni-Bezek sey, “I don kut seventy kings hand and leg komot wons and I make dem chop food from under my tabol. But naw, God don pay mi back for wetin I do to dem.” So, dem karry am go Jerusalem and e die for der.