Jenesis 43:30 - Holy Bible Nigerian Pidgin English

³⁰ Josef rush go outside, bikos e nor fit bear as e dey si en brodas and e don nearly won kry. So e go en room kon kry well-well for der.

Jenesis 43:30 ပူးပေါင်းရင်းမြစ်များ

Jenesis 42:24

So Josef turn from dem kon dey kry. Wen e turn face dem again, e kon sey make dem go put Simeon for prison as all of dem dey look.

Jenesis 45:2

E kry well-well; Egypt pipol and evribody plus Fero sef, hear about wetin happen.

Jenesis 46:29

Josef klimb en shariot kon go meet en papa Israel, for Goshen. Wen e meet am, e hug am kon bigin kry.

1 Kings 3:26

Den di pikin real mama kon tell di king with pain for en heart sey, “My King! Abeg, instead make yu kill di pikin, make yu gi-am to di oda woman.” But di oda one ansa, “My king! Nor give di pikin to any of us, but make yu just divide am.”

Jeremaya 31:20

So God ansa, “Israel, una bi my shidren wey I love well-well. I dey always tink of una with love wen ever I remember una name. Una dey for my heart and I go really sorry for una.

Hosea 11:8

Efraim pipol, how I won take leave or abandon una? I nor fit distroy una just as I distroy Admah pipol or trit una as I trit Zeboiim pipol? My heart nor go let mi do am, bikos di love wey I get for una, too strong.

Acts 20:19

how I nor dey karry body up as I dey serve Jesus with pain and wahala wey I dey face, bikos of di wiked plan wey Jew pipol get for mi.

Acts 20:31

So make una shine una eye and remember sey, for day and nite for three years, I nor stop to dey kry, as I dey warn una.

Acts 20:37

All of dem start to kry, as dem draw Paul near body kon dey kiss am.

Filippians 1:8

God know sey, bikos of Christ love wey dey my heart, I dey miss una well-well.

Filippians 2:1

Gain dey to serve Christ? Konfort dey for en love? Fellowship dey between pipol and God Spirit? Una heart good rish to show pipol mesi?

Kolossians 3:12

So, as pipol wey God don choose, wey holy and wey E love well-well, make una kwik dey sorry for pipol; dey gentol; nor dey karry body up and wear patient like klot for body.

2 Timoti 1:4

Wen I remember as yu take kry, e dey hongry mi to kom si yu, so dat joy go full my mind.

1 John 3:17

But pesin wey get enough tins and e nor sorry for en broda or sista for Christ wey nor get at-all, na how God love go take dey inside am?