Jenesis 41:42 - Holy Bible Nigerian Pidgin English

⁴² Den Fero take en own ring from en hand kon wear am for Josef own. E wear en fine klot for Josef kon put gold shain for en neck.

Jenesis 41:42 ပူးပေါင်းရင်းမြစ်များ

Jenesis 38:18

Judah sey, “Na wetin yu wont make I give yu?” Di woman ansa, “Make yu give mi yor seal, waist belt and di rod wey dey yor hand.” So Judah give dem to am kon sleep with am. So Tamar kon get belle for Judah.

Jenesis 41:43

Fero gi-am di shariot wey di pesin afta di king dey ride and e sey, “Make una knee down for am!” So Fero make am oga ova all di land for Egypt.

Estha 10:3

So Mordekai wey bi Jew kon bi next to King Zazes. En pipol wey bi Jew dey respet, honor and like am well-well. E work make e for good for en pipol, so dat dia shidren-shidren nor go sofa.

Estha 3:10

Di king kon remove en ring wey dem take dey stamp law, so dat e go get pawa kon gi-am to Haman wey bi Hammedata pikin from Agag and dis Haman na Jew enemy.

Estha 3:12

So for di thirtint day for di first mont, Haman koll di king seketry kon sey make e rite dis kommand for all di language for di kingdom kon send am go meet all di rulers, govnors and ofisas for di kingdom. Dem rite am with King Zazes name kon stamp am with en ring.

Estha 8:10

Mordekai rite am with King Zazes name kon stamp am with di king ring, den e send dem thru messenjas wey sabi ride horse fast-fast.

Estha 8:15

Mordekai wear royal garment wey dem make with purpol and white, with one fine crown kon komot from di king present.

Estha 8:2

Den di king remove en ring (di one wey e take back from Haman) kon gi-am to Mordekai. And Estha sey make Mordekai kare for Haman propaty.

Estha 8:8

But di pipol must do wetin dem kommand and stamp with di king name. Yu fit rite anytin wey yu like go give Jew pipol kon stamp am with di royal stamp with my name.”

Psalms 73:6

Dem wear pride like shain for neck kon wear yanga like belt for waist.

Proverbs 1:9

bikos wetin dem dey tish yu go bi like betta shain for yor neck and betta kap for yor head.

Proverbs 31:22

Na en dey make en own bed shit and e dey wear fine klot wey dem make with purpol linen.

Proverbs 31:24

E dey make klot and belt kon sell dem give tradas.

Song of Songs 1:10

Yor face dey shine well-well, bikos of di oil wey dem take rub am and di difren shains wey yu wear, don make yor neck fine too.

Song of Songs 4:9

My sista and wife, yu don tif my heart! Only di way yu dey look mi and di necklace wey yu wear, don tif my heart.

Isaya 3:23

dia garments wey dey show dia body; dia handkachief, dia head-tie and di long klot wey dem dey wear for dia head.

Jeremaya 52:33

So e allow Jehoiashin shange en prison klot, den Jehoiashin kon always dey chop from di king tabol until di day wen e die.

Ezekiel 27:7

Na linen dem take make di sail; betta linen wey dem bring from Egypt and na from far yu go know, wons yu si am. Purpol klot wey fine pass for Cyprus, na-im dem take kover di window.

Daniel 5:16

Naw, I don hear sey yu dey fit tok meaning and esplain wetin pesin nor undastand. If yu fit read dis writing kon tell mi wetin e mean, yu go wear royal purpol; dem go put gold shain for yor neck and na yu go bi nomba three man for dis kingdom.”

Daniel 5:29

Just as di king tok, dem kon wear royal purpol klot give Daniel; put gold shain for en neck kon make am di nomba three man for Babilon.

Daniel 5:7

Di king kon sey make dem go koll all di wise men, pipol wey dey si vishon and majishan kom. Den e tell dem, “If anybody fit read wetin dem rite for di wall kon tok wetin e mean, dem go wear am purpol royal garment kon gi-am gold shain wey get honor, den e go bi di nomba three pesin wey get pawa pass for dis kingdom.”

Luke 15:22

“But di papa koll en savants kon tell dem, ‘Make una bring di best klot, ring and shoe and make una wear dem for my pikin.

1 Samuel 18:4

Jonatan remove di gown wey e wear kon gi-am to David, plus en gear, en swod, en bow and even en belt.