Jenesis 35:2 - Holy Bible Nigerian Pidgin English

² So Jakob tell en hold family and doz wey dey with am sey, “Make una skata all di oda gods wey dey with una. Make una go wosh unasef kon shange una klot.

Jenesis 35:2 ပူးပေါင်းရင်းမြစ်များ

Jenesis 18:19

I don choose am, so dat e go kommand en son and shidren-shidren sey make dem obey mi kon do wetin dey good and korrect. If dem obey mi, I go do evritin wey I promise am.”

Jenesis 31:19

As Laban go kare for en sheep, Rashel kon tif en papa gods for di house.

Jenesis 31:30

And naw yu just dey go, bikos e don tey wey yu dey won go yor papa house, but wetin make yu tif my gods?”

Jenesis 31:34

Naw, Rashel don take di gods kon put dem for kamel den e sidan put. Laban look evriwhere for di tent, but e nor si dem.

Jenesis 34:2

Hamor wey kom from Hiv, wen e pikin Shekem wey bi di prince for di land si di girl, e seize am kon sleep and disgrace am.

Jenesis 35:22

As Israel dey for di land, Reuben kon go sleep with Bilhah, en papa girl-friend and Israel kon hear wetin happen. Jakob get twelf sons:

2 Samuel 7:23

No kountry for dis world bi like Israel wey Yu komot from slave kon make dem yor pipol. Di big tins wey Yu do for dem, make pipol know yor name for di whole world. Yu save yor pipol from Egypt, plus di juju and gods wey dey der.

2 Kings 17:29

But each tribe make dia own gods kon put dem for shrine for di high place wey Samaria pipol make. Each tribe do like dis for di town wey dem dey.

2 Kings 5:10

Elisha sey make en savant go tell Naaman, “Make yu go wosh yorsef seven times for Jordan River, den yu go well.”

1 Kronikles 16:26

Di gods for oda towns nor mean anytin, but na God make di heavens.

Job 1:5

One dia party finish, Job go koll and santify dem. For early morning, Job go offa sakrifice for all of dem. “Bikos e bilive sey dem fit nor know sey dem don sin and curse God.” Job dey do dis tin evritime.

Psalms 51:2

Make Yu wosh and klean mi from di bad tins wey I do. Klean mi from all my sins.

Psalms 51:7

So make Yu klean mi from my sins and I go dey klean; make Yu wosh mi and I go white pass snow.

Exodus 19:10

God tell Moses, “Make yu use today and tumoro take santify di pipol kon tell dem make dem wosh dia klot

Exodus 19:14

Den Moses kom down from di mountin go meet di pipol. E santify and make dem wosh dia klot.

Exodus 23:13

“Make una do evritin wey I tell una and una nor go pray or swear to any oda god. Make I nor ever hear dia name for una mout.

Ekklesiastes 5:1

Make yu dey kareful wen yu enter God temple, bikos to kom meet God make E tish yu, betta pass foolish sakrifice and pipol wey dey offa am, nor know sey wetin dem dey do, nor good.

Isaya 1:16

Make una go wosh unasef klean and stop all di evil tins wey una dey do.

Isaya 52:11

All of una wey dey karry di temple tins, make una know sey God go save una from Babilon. So make una nor tosh anytin wey dem dey forbid; make una make unasef holy, so dat una nor go die.

Jeremaya 13:27

Jerusalem pipol! I don si as una dey do ashawo waka and as una dey run follow difren juju for fields and for evry hill. Naw, make una si di wahala wey dey wait una. So, una go ever dey klean to woship mi again?

Jeremaya 16:20

Pipol fit make dia own gods? No! Wetin dem make, nor bi god at-all.”

Jeremaya 5:7

God ask, “Jerusalem pipol! Wetin nor go make mi ponish una wen e bi sey, una leave mi kon go woship gods wey nor bi god at-all? Even doh I dey give una evritin wey una wont, una still dey bihave like wife wey go sleep with who nor bi en husband and una dey stay with ashawo.

Ezekiel 18:31

Make una stop all di bad and wiked tins wey una dey do, so dat una go get new mind and heart. Israel pipol, why una like to die?

Ezekiel 20:7

I tell dem sey make dem trowey all dia juju and make dem nor dirty demsef with Egypt juju, bikos na mi bi di Oga wey bi dia God.

Ezekiel 36:25

I go pour klean and good wota for una body, so dat una go dey klean from di juju wey una dey woship before and evritin wey make una dirty.

Daniel 5:4

kon dey praiz dia god wey dem make with gold, silva, bronze, iron, wood and stone.

Levitikus 15:5

“ ‘Anybody wey tosh di bed wey di man liedan put must go wosh en klot kon baf with wota and di pesin go dey unklean till evening.

Levitikus 17:16

If e nor wosh e klot or baf, e go sofa di ponishment.’ ”

Nombas 31:24

Una must wosh una klot for di sevent day and una go dey holy, den una go fit enter di kamp.’ ”

Acts 19:26

And una don si and hear sey dis Paul don take many pipol komot from awa hand. Nor bi only for dis Efesus, but for di whole Asia, bikos e dey tell dem sey di gods wey dem mold, nor bi god at-all.

1 Korintians 10:7

or woship juju like some among dem. Just as God word sey, “Di pipol sidan to chop and drink, den dem kon start to play.”

2 Korintians 7:1

So, as God don promise us all dis tins, make wi wosh awasef komot from evritin wey go fit make awa body or awa soul dirty, so dat wi go dey holy as wi dey respet God.

Galatians 4:8

Before-before, wen una nor know God, una dey do bad-bad tins.

Deutronomi 11:28

But na curse bi una own, if una rijet di Oga una God kommand kon turn from am go woship oda gods wey una nor know before.

Deutronomi 32:16

Dem make am jealous, bikos dem dey serve juju and oda gods.

Deutronomi 5:7

Make una nor serve any oda god escept mi.

Deutronomi 6:14

Una must nor woship any of una neighbour gods apart from God ensef,

Deutronomi 7:25

Una go burn dia juju for fire and una must nor like dia gold or silva. Una must nor take dem, if not dem go bi trap for una, bikos dem nor dey good to di Oga una God.

Hibru 10:22

So make wi draw near God with betta heart and strong faith, bikos God don wosh awa heart and body with klean wota.

James 4:8

Draw near God and E go draw near yu. Una wey bi sina, make una wosh una hand and una wey get doubol mind, make una heart dey klean.

Joshua 23:7

or kon make friend with di remainin nashons. Una must nor use dia god name take make mout or tok about am! Una must nor woship or bow to dem!

Joshua 24:14

“Naw, make una obey God kon dey loyal as una dey woship am with betta mind. Make una forget di gods wey una grand-grand papa dey serve before-before for di oda side for di river and for Egypt and make una kom woship God.

Joshua 24:15

If una sey una nor won woship God, den today-today, make una choose who una go woship, weda na una grand-grand papa gods wey dey di oda side for di river, or Amor pipol gods wey dey di land wey una dey stay so. But for mi and my whole house, na di Oga awa God wi go woship and serve till wi die!”

Joshua 24:2

Joshua tell di pipol, “Dis na wetin di Oga wey bi Israel God tok: ‘Before-before, una grand-grand papa dey stay afta Eufrates River, plus Terah wey bi Abraham and Nahor papa. Dem woship anoda god,

Joshua 24:20

If una forget God kon go woship anoda god, E go turn against una; E go bring wahala kom meet and distroy una, even doh E trit una as pikin before.”

Joshua 24:23

Den Joshua sey, “So make una trowey all di oda gods wey una get kon respet only di Oga wey bi Israel pipol God.”

Jude 1:23

Make una help odas make dem nor enter hell-fire, so dat una go fit save dem and as una dey help odas, make una dey fear God kon hate di tins wey go make una sin.

Judges 10:16

So dem skata all dia yeye gods kon bigin woship God; den God kon sorry for Israel pipol, bikos of dia sofa.

Rut 1:15

So Naomi tell am, “Si, yor husband broda wife dey go back go meet en pipol and en god. So make yu follow yor husband broda wife go back!”

1 Samuel 16:5

Samuel ansa dem, “Yes! Na peace I bring kom. I won give God sakrifice.” So e santify Jesse and en pikin kon invite dem kom di sakrifice.

1 Samuel 7:3

Samuel kon tell Israel pipol, “If una don really turn from sin kom meet God with all una heart, make una remove all di small-small Ashtoret gods wey una get. Make una give una heart to God kon serve only en. Den E go save una from Filistia pipol pawa.”